MAYYAT KO MASJID ME DAFAN KARNA JAIZ NAHIN, EK SHUBAH KA AZAALA


Question :
 

Jab Yah Maloom Hai Ki Mayyat Ko Masjid Mai Dafan Karna Jaiz Nahi Aur Jis Masjid Mai Qabar Ho Us Mai Namaz Parna Jaiz Nahi To Phir Rasoolullah s.a.w Aur Baaz Sahaba Karam R.A. Ki Qabro Ko Masjid Nabvi Mai Dakhil Kerne Ki Kya Hikmat Hai?

Answer :
 

Rasool Allah s.a.w Se Yah Sabit Hai Ki App Ne Farmaya:
 

“Allah Ta’ala Yahod-o-Nasara Par la’anat Farmaye K Inhone Apne Anmbiya Ki Qabaro Ko Masjiden Bana Liya Tha.”

[Sahi Al-Bukhari 1330, Sahi Muslim 529, Sunan An-Nasa’i 704, Ahmad 5: 204 Aur Al-Muwatta 85]

Isi Tarh Yah Bhi Hazrat Aisha R.A Se Marvi Sahi Hadis Se Sabit Hai:
 

“Hazrat Umm Salma R.A. Aur Hazrat Habiba R.A. Ne Rasool Allah s.a.w Ki Khidmat Mai Aik Girja Ka Zikr Kiya Jise Inhone Habsha Mai Dekha Tha Aur Is Mai Tasveere Bani Huwi Thee’ Rasool Allah s.a.w Ne Farmaya: “Un Logo Mai Agar Koi Naik Admi Faot Hota To Is Ki Qabar Par Masjid Bana Lete Aur Is Mai Yah Tasveere Bhi Banate Wah Log Allah Ta’ala Ke Nazdeek Sab Se bad’tareen Makhlooq Hain.”

[Sahi Al-Bukhari 427, 434, 1341 , Sahi Muslim. 528, Sunan An-Nasa’i 705 Aur Ahmad 6: 51.]

Hazrat Jandab Bin Abdulullah Bijli R.A Se Riwayat Hai Ki Mai Ne Rasool Allah s.a.w Ko Irshad Farmaty Huwe Suna Ki :
 

“Allah Ta’ala Ne Mujhe Apna Khaleel Bana Liya Hai’ Jis Tarah Allah Ne Hazrat Ibrahim A.S. Ko Apna Khalil Banaya Tha. Agar Mai Ummat Mai Se Kisi Ko Apna Khalil Banata To Abu Bakar R.A. Ko Khalil Banata’ Tum Mai Se Pahle Log Apne Nabiyo Aur Waliyo Ki Qabaro Ko Masjiden Bana Laite The’ Khabardar! Tum Qabaro Ko Masjide Na Banana’ Mai Tumhe Is Se Mana Karta Hoon.”

[Sahi Muslin 532, Al-Hakim 2: 550.]

Hazrat Jabir R.A.Se Riwayat Hai:
 

“Nabi Kareem s.a.w Ne Qabar Ko Choona Gach (pukhta) Karne’ Is Par Bethne Aur Is Emarat Banane Se Mana Farmaya Hai.”

[Sahih Mislim 970.]
 

Yah Hadis Aur Is Maf’hom Ki Deegar Ahadees Is Bat Par Dalalat Karti Hain Ki Qabaro Par Masjide Banana Haram Hai Aur Aisa Kerne Walo Par Rasul s.a.w Ne La’anat Farmai Hai’ Isi Tarh Yah Ahaadis Is Baat Par Bhi Dalalat Karti Hain Ki Qabaro Par Emarte Banana’ Qubey Ta’ameer Karna Aur Inhe Choona Gach Karna Haram Hai Kyo Ki Yah Shirk Aur Gair Allah Ki Ibadat Ke Asbab Mai Se Hai Jaisa Ki Qadeem-o-Jadeed Dour Ki Tarikh Shahid Hai Lehaza Dunia Bhar Ke Musalmano Par Yah Wajib Hai Ki Allah Aur Is Ke Rasool s.a.w Ne Qabro Par Emarat Banane’ Qabro Ko Masjid Banane’ In Par Qubey Ta’amir Karny’ Inhe Choona Gach Karne Aur In Per Chirag Jalane Se Jo Mana Farmaya Hai’ Is Se Aur Deegar Kamo Se Ejtanab Kare’ Jin Se Rasool Allah s.a.w Ne Mana Farmaya Hai Aur Aksar Log Jo Kuch Kar Rahe Hain Is Se Garib Khurdah Na Ho Q Ki Haq To Momin ki mata Gum Shudah Hai’ Momin Jab Bhi Haq Ka Pata Chal Jata Hai Aur Haq Kitab-o-Sunnat Ke Dalaeel Se Maloom Hota Hai’ Logo Ke Ara Aur Amaal Se Nahi. Allah k Rasool Hazrat Mohammad s.a.w Aur Ap Ke Sahibeen R.A. Ki Tadfeen Masjid Mai Nahi Ki Gai Thi Balki In Muqaddas Hastiyo Ki Tadfeen Hazrat AIsha R.A. k Hujrah Mai Huwi Thi.
 

Jab Waleed Bin Abdul Mulk Ke Aihad Mai Masjid Nabvi Mai Tousee Huwi To Pahli Sadi Hijri Ke Akhir Mai Hujrah Ko Masjid Mai Dakhil Kar Diya Gaya Lehaza Waleed Ka Yah Amal Masjid Mai Dafan K Huqam Nai Nahi Hai Q Ki Rasool Allah s.a.w Aur Sahibeen Ko Arz Masjid Ki Taraf Muntaqil Nahi Kiya Gaya Lehaza Yah Amal Kisi Ke Liye Qabro Par Emarat Banane Ke Jawaz Ki Daleel Nahi Ban Sakta Ya Is Se Yah Sabit Nahi Hota Ki Qabaro Par Masjiden Banana Ya Masjido Mai Dafan Karna Jaiz Hai Q KI Yah Sahi Ahaadis Jo Abhi Zikr Ki Hain’ In Se In Sab Bato Ki Muma’anat Sabit Hoti Hai Aur Rasool Allah s.a.w Ki Sahi Sunnat Ke Khilaf Waleed Ka Amal Kisi Ke Liye Hujjat Nahi.- (Wallah Walee Al-toufeeq
 

Shaikh ibn Baz)

Advertisements

EK HAATH SE MUSAAFA KARNA BAHTAR HAI


Jo shaks ye kahta hai ki ek hath se musafa karna yahoodi wa nasara ka amal hai to ye samajhna chaiye ki use Kitab wa Sunnah ka ilm nahi hai. Boht si sahih hadiths hai jo kahti hai ki sahaba ka aam mamul ye tha ki wo ek hath se musafa karte the.

Qatada riwayat karte hai ki maine Anas r.a. se pucha ki kya ek hath se musafa karna RasoolAllah ѕαℓℓαℓℓαн нυ αℓℓαyнє ωαѕαℓℓαм ke sahabi ka riwaz tha. Anas r.a. ne kaha: “HA”.

Sahih al-Bukhari, hadith-6263.

Toh is hadith se saaf taur par malum pada ki ek hath se musafa karna sahabao ka aam mamool tha kyuki hadith ke alfaz me “riwaz” alfaz hai jiska matlab koi khas amal jo boht pahle se chali aa rahi ho ya aam mamool hota hai.
 

Lekin agar koi shaks do hath se musafa kare to ye jaiz hai, ye biddat nahi hai, balki ye mubah hai aur yahi Raae(opinion) ulemao ka bhi hai, sheikh muhammed salih al-munajjid ko le kar. Par sunnah ki agar baat kare to musafa karna ek hath se sabit hai aur yahi amal sahaba ka tha aur yahi amal behtar hai.

Fataawa al-Lajnah al-Daa’imah (24/125) me kaha gaya hai ki hame aesi koi ilm nahi ki do hath se(musafa) nahi karna chaiye. Lekin ek hath se karna behtar hai.

Aur Allah sab se behtar janta hai.

Allah se dua hai ki wo hame sunnah se muhabbat karne ki taufeek ada farmae…Ameen…!!!

KUNDE KI NIYAAZ TAARIKH KE AINE ME (22 RAJAB)


 

 
 
 
 
✿✿Assalamualaikum Warahmatullahi Wabarakatuhu✿✿
*** Bismillah hir-Rahman nir-Rahim ***

Arabic Month “Rajab” Shuru Ho Chuka Hai, Rajab Ke Month Me Hone Wali Bidato Se Pehle Aayye Ham Ye Bata Dein Ke Quran O Hadees Me Rajab Ke Talluq Se Kya Cheez Saabit Hai

Quran Me Allah Ne Months Ki Taadaad 12 Bataai Hai,Aur 12 Me Se 4 Months Ko Hurmat Wale Maheene Kaha Hai
(Al-Quran, Surah At-Taubah 9, Ayat 36)

(Hurmat Wale Months Yaani Izzat Aur Ehtaraam Wale Months)
Hurmat Wale Ye 4 Months Kon Se Hain ? Is Ki Wazahat Quran Me Nahi Hai,Balki Is Ki Wazahat Hadees Me Hai K Ye 4 Months Ye Hain :

1-Zul-Qada, 2-Zul-Hijja , 3-Muharram, 4-Rajab
(Sahih Al Bukhari Hadees 3197)
(Sahih Al Muslim Hadees 1679)

Rajab Ke Talluq Se Quran Aur Sahih Hadees Se Sirf Aur Sirf Itna Hi Pata Chalta Hai K Ye Izzat, Ehtaraam Aur Hurmat Wale 4 Maheeno Me Se Ek Maheena Hai.Is Ke Alawa Rajab Ki Kisi Khaas Fazeela Nahi Hai.

Ab Aayye Dekhein K Ilm Ki Kami Ki Waja Se Is Month Me Musalmano Ne Kin Kin Biddato Par Amal Karna Shuru Kar Diya :

1- Salat Ul Raghaaib
▬▬▬▬▬▬▬▬▬▬▬▬▬▬▬▬▬▬▬▬
Rajab Ke First Friday Ya Thursday Ko Maghrib Aur Esha Ke Darmiyaan Kuch Log “Salatul Raghaaib” Ke Naam Se Ek Namaz Padhte Hain,Jis Me 12 Rakat Padhte Hain.

Khayaal Rahe K Kisi Bhi Sahi Hadees Se Rajab Ke Month Me “Salat Ul Raghaaib” Naam Se Koi Namaz Saabit Nahi…Lihaaza Hame Is Se Bachna Chahiye.

2- Rajab Ke Koonde
▬▬▬▬▬▬▬▬▬▬▬▬▬▬▬▬▬▬▬▬
Is Month Me Kuch Musalman Jafar Sadiq Ke Naam Se Koonde Bhi Banate Hain,Us Par Niyaz Dilwate Hain Aur Ye Aqeeda Rakhte Hain K Koonde Bharne Ke Baad Ham Jo Muraad Mangenge Wo Poori Hogi…Ye Bhi Bidat Hai,Is Talluq Se Jafar Sadiq Aur Ek : Lakkad-Haare Ka Jo Qissa Bayaan Kiya Jaata Hai Wo Man-Ghadat Hai.

Doosri Baat Ye K Jafar Sadiq Hon Ya Koi Aur Insaan, Walii Peer,Kisi Ko Bhi Shariyat Banane Ka Haq Haasil Nahi…Shariyat Wahi Hai Jis Ka Hukum Allah Aur Rasool Ne Diya Hai…(But Khayaal Rahe K Jafar Sadiq Ki Taraf Mansoob Qissa Bhi Man-Ghadat Hai).Lihaaza Is Month Me Koonde Ki Bidat Se Bhi Hame Bachna Chahiye

3- Jashn E Meraaj
▬▬▬▬▬▬▬▬▬▬▬▬▬▬▬▬▬▬▬▬
Kuch Musalman 27 Rajab Ko Rasool Sallallau Alaihi Wasallam Ka “Jashn E Meraaj” Manate Hain,Ye Bhi Bidat Hai,Kyo K Pehli Baat To Ye K Ye Cheez Hi Saabit Nahi K Rasool Sallallahu Alaihi Wasallam Ko Jo Meraaj Hua Tha Wo Rajab Ke Month Me Hua Tha.

Meraj Hua Ye Quran O Hadees Se Saabit Hai,Lekin Kis Month Me Hua Ye Kisi Sahi Hadees Se Saabit Nahi.

Lihaaza Is Tarah Ka Jashn Manane Se Bhi Hame Bachna Chahiye.

(Isii Tarah Khaas Rajab Ke Month Me Kuch Dino Ko Khaas Kar Ke Roza Rakhne Ki Bhi Koi Daleel Nahi Hai)

Deeni Aitabar Se Har Woh Kaam Bidat Hoga Jiska Saboot Quran Aur Hadees Main Nahin Milta

Koi Bhi Kaam Neki Samaj Kar Sawaab Ki Niyyat Se Kiya Jaye,
Jiske Karne Ka Hukm, Na Allah Ke Kalaam Yani Quran-E-Kareem Me Maujood Ho, Aur Nahi Nabi Kareem Sallallahu Alaihi Wasallam Ki Sunnat Yani Hadees-E- Mubaraka Me Maujood Ho Aur Nahi Sahaba (Ra) Ke Tarikhe Me Maujood Ho, Usko Biddat Kehte Hai.

.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

►Aye jo Emaan layai ita’at karo ALLAH ki ur Rosool (Sallallahu Alaihi Wasalam) ki apnai Amaal ko zaya na karo

(SURAT MOHAMMAD 33)

•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

►Tumharai liyai ALLAH kai Rosool (sallallahu Alaihi wasalama) main behtareen namona hai

(SURAT AHZAB 21)

•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

►” Momino Allah aur uske Rasool ( Mohammad Sallallahu alai wasallam ) ki farmabardari karo aur Jo tummese sahibe Hukumat unki bhi, FIR AGAR KISI BAAT ME TUM ME KHILAAF WAQIF HO THO FIR ALLAH AUR ROZE AAKHIRAT PAR IMAAN RAKHTE HO THO USME ALLAH AUR USKE RASOOL ( SALLALLAHU ALAI WASALLAM ) KI TARAF RUJU KARO. Yeh achi baat hai aur iska anjaam bhi acha hai “

(Quran : Surah An-Nisaa Ayat # 59)

•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

►” Jis cheez ka Tuje ILM nahi, Uske peeche na pad, Kaan, aankh aur Dil aur in sab azaa ke baareme zaroor waazpurs hogi. ( POOCH HOGI ).

(Al Quran Surah Al Israa, Ayath # 36)

•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

►Aur us din zaalim Shaks apne haath chaba ker kahega ke Haye kaash ke Maine Rasul Sallallahu alaihi wasallam ki raah ikhtiyar ki hoti

(Al Quran , Surah Furqan ,Ayath Number 27 )

•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

►Hazrat Abdullah bin Masood (Radi Allahu’anhu) ko pata chala ke kuch loug Masjid mein mil kar unchi awaaz se Zikr aur Darood shareef pad rahe hai aap inke paas gaye aur farmaya:

Humne Allah ke Rasool (Sallallahu Aalaihi wasallam) ke zamane mein kisi ko is tarha Zikr karte ya Darood shareef padte nahi dekha lehaza main tumhe Biddati samhjta ho yehi alfaaz duhrate rahe hatta ke inhe Masjid se nikaal bahar kiya.”

رواه ابو نعيم، الجزء الاول، رقم الصفحه 216

•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

►Nabi Kareem Sallallahu alaihi wasallam ne farmaya:

“Jisne Hamare is DEEN me apni taraf se koi nayi cheez paida ki, jo is me se Nahi hai toh wo MARDOOD hai (yani wo DEEN se kharij hai),

Har nayi cheez (jo DEEN me paida ho) BIDDAT hai aur har BIDDAT, gumrahi hai aur har gumrahi, JAHANNAM me lee jaati hai “.

(~ Sahih Al Bukhari, Hadis 2696, Sahih Al Muslim, Hadees 1718, Sunan Nasai 3/188)

•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

►Jabir bin Abdullah Radi Allahu Anhu se rivayat hai k Rasoollallah Sallallahu alaihi wasallam ne farmaya

“Sabse behtar Amr (amal ke liye) Allah ki Kitab hai aur Sabse behtar Tareeqa Muhammad Sallallahu Alaihi Wasallam ke Tareeqa hai

Aur sabse Badtareen kaam Deen mein nayee nayee baton ka paida karna hai

Aur har Nayee baat Gumrahi hai

Aur farmaya ki jis Shaksh ne Marney ke baad maal chorha wo uskei Warison ka hai aur jisney Karz ya Ayaal ( children) chorhey wo mere zimmey hai

Sunan Ibn Majah, Vol 1 , # 45

•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

►Nabi Kareem Sallallahu alaihi wasallam ne farmaya:

“Jisne BIDDATI ko PANAH di, us par Allah ki LAANAT barasti hai “.

(~ Sahih Muslim, Hadees 4876)

•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

►Nabi Kareem Sallallahu alaihi wasallam ne farmaya:

” Allah BIDDATI ki Namaz, roza, haj, zakat, kisi bhi amal ko kabool nahi karta “.

(~ Sunan ibn Majah 49)

•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

(Jo log Biddat ko taqseem krk Gumrahi pahlarahe hai jaise Bidat e Sayya, Biddat e Hasna un askaas k liye ye Hadees se behtareen aur koyi islaah nahi)

► Abdullah Ibn Umar farmate hain,

Tamam Biddatein gumrahi hai agarche “Ba-Zaahir woh, logon ko acchi lagein

(SUNAN KUBRA BAIHAQI (HADITH138).

•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

►Abdullah Radiallahu anhu se rivayat hai ki Rasoollallahu Sallallahu Alaihi Wasallam ne farmaya,

” Main Hauz-e-Kausar par Tum logo ka paish khaima (predecessor) hunga aur Tum mein se kuch log meri taraf aayengey jab main unhey Hauz ka pani deney ke liye jhukunga to unhey Mere samney se kheench liya jayega .

Main kahunga ki ,”Eh mere Rab! Ye to Meri Ummat ke log hain”. Allah Taala farmayega,” Aapko maaluum nahi, ke unhoney Aapkey baad Deen mein kya nayee batein nikal li thi”.

{Sahih Bukhari, Vol 8, 7049}

•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

►Rasoollallahu Sallallahu Alaihi Wasallam ne farmaya ke, Baad ke daur mein Dajjal or Jhoote log hoge woh tumhe aisi aisi Hadees suna yege jinhe tumne or tumhare baap dadaon ne nahi suna hoga , isliye un se apne aap ko bachhaye rakhna , kahi aisa na ho ke woh tumhe gumrah karde or fitna mein dall de

{Sahih Muslim , al Mukaddamah ,Hadees no 7}

•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

►Rasoollallahu Sallallahu Alaihi Wasallam ne farmaya ke ,Aadmi ke jhoota hone ke liye yahe kaafi hai ke woh har suni sunai baat bayan karde

{Sahih Muslim , al Mukaddamah Hadees no 5}

•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

ALLAHU AKBER !

.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

Beshak Allah subhanahu kisi Takabbaur
karne wale, itrane wale ko pasand nahi
karta – Surah Luqman, (31), # 18

Rasoollallah Sallallhu Alaihi Wasallam ne farmaya wo shaksh Jannat mein dakhil nahi hoga jiske dil mein Rayee ke dane ke barabar bhi takabbur mojud hai
Sunan Ibn Majah, Vol 1 , # 59 – Sahih

Yaad Rakhiye Haq Ko Jaanker Bhi Qabul Na Kerna Takabur Ki Alamat Hai . Ye Jaanker Bhi Ke Ye Amal Ek Biddat Sabit Ho Chuka Hai ?

.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´¸.•*´¨`*•.¸¸.•*´

Allah Hum Sabko Biddaton Se Mehfuz Rakhe , Quran Aur Sahih Hadees Per Amal Kerne Ki Neik Tawfeq De ,Hidayat E Ilm & Hidayat E Amal Ata Farmaye Aur Humari Ibadat Ko Qabul Farmaye .Aameen !

Allah Subhanahu Wa Ta’ala Du’a Hai Ke Hum Ko Ghar Walon Ko Aap Logon Ko Or Sare Musalmano Ko Quran O Sunnat par Sahaba Ke Manhaj Par Amal Karne Wala & Daw’at Dene Wala Banaye,

Ameen Ya Rabbal Almeen Ya Hayyu Ya Qayyum.

(NOTE : JIN ASKAAS KO IS POST SE MUQALIFAT HAI WO QURAN YA SAHI HADEES SE SIRF EK HI DALEEL PESH KARDEIN OPAR DI GAYI SHABAN KI BIDDATON K “DURUST” HONE MEIN .YAD RAHE QURAN AUR SAHI HADEES K ALAWA AUR KOYI DEEN NAHI HAI )

 
 
Via–Afshan Fatima

JANNAT KA BAYAN


1: jannat ki chaurai jameen aur Asmano ke brabar h 

[surah al imran 133] 

2:jannat ke fal aur bahare hmesha rahengi 

[surah ra’ad 30] 

3:jannat me bhukh aur payas nahi hogi 

[surah taaha 118] 

4:jannti sone ke kangan aur sabaj resham ke kapde pahn kr takiyedar bistro par maje krenge 

[surah kahaf 31] 

5:jannti Akal par fark na dalne wali safed rung ki jayekedar sharab piyenge 

[surah saffat 46,47] 

6:janntiyo ke liye heere aur motiyo jesi sharmili nigaho wali biwiya hongi jinse is se pahle kisi jinn ya insan ne chhuwa tak nahi hoga 

[surah rahman 56-58] 

KUCH HADISE B DEKHIYE ——————–­——– 

1: jannat me bimari,budhapa aurmaut nahi hogi 

[muslim] 

2:yadi ek jannati apne kangan kesath duniya me jhank le to suraj ki roshani ko is tarah khtm kr dega jis tarah suraj ki roshani taro ko khtm kr deti h 

[trimizi] 

3:yadi jannti aurat duniya me 1 bar jhank le to shimal se mashrikke darmiyan ki hr chej ko roshankr de aur(sare mahol ko) khushbu se mahkata kr de 

[bukhari] 

4:jannat ke mahal sone aur chandi ki einto se bane h uska gara tez khushbu wala h uske sangreje moti aur yakut ke h aur uski mitti jafran ki hai 

[tirmizi] 

5:jannat ke 100 darje h har darje ke bich jamin aur asman ke brabr duri h 

[tirmizi] 

6:jannat ke falo ka ek guchha jamin wa asman ke b sare jivo aur insano ke khane se khatm nahi hoga 

[tirmizi] 

7:jannat ke ped(tree) ka saya itna lmba hoga ki uske saye me ek ghora swar 100 sal tk chalta rahe tb b saya khatm nahi hoga 

[bukhari] 

9:jannat me kaman ke barabr jagah sari duniya h aur duniya bhahr ki sari nemto se jyda kimti h 

[bukhari] 

10: hauj e kausar par sone aur chandi ke pyale honge jinki tadat asman ke sitaro ke barabr hogi [muslim] 

Via Ayan Khan Salafi

SEEDHA RAASTA AUR CHAAR (4) MAZAAHIB


Assalamu’Alaikum Wa Rahmatullahi Wa Brakatuhu..
  

Siraat E Mustaqeem


ﻋﻦ ﻋﺒﺪ ﺍﻟﻠﻪ ﺑﻦ ﻣﺴﻌﻮﺩ ﻗﺎﻝ: ﺧﻂ ﻟﻨﺎ ﺭﺳﻮﻝ ﺍﻟﻠﻪ

 –
ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ- ﺧﻄًّﺎ ﺛﻢ ﻗﺎﻝ: ﻫﺬﺍ ﺳﺒﻴﻞ
ﺍﻟﻠﻪ، ﺛﻢ ﺧﻂ ﺧﻄﻮﻃﺎً ﻋﻦ ﻳﻤﻴﻨﻪ ﻭﻋﻦ ﺷﻤﺎﻟﻪ، ﺛﻢ
ﻗﺎﻝ : ﻫﺬﻩ ﺳﺒﻞ ﻋﻠﻰ ﻛﻞ ﺳﺒﻴﻞ ﻣﻨﻬﺎ ﺷﻴﻄﺎﻥ ﻳﺪﻋﻮ
ﺇﻟﻴﻪ، ﺛﻢ ﻗﺮﺃ : ﻭﺃﻥ ﻫﺬﺍ ﺻﺮﺍﻃﻲ ﻣﺴﺘﻘﻴﻤﺎً ﻓﺎﺗﺒﻌﻮﻩ
ﻭﻻ ﺗﺘﺒﻌﻮﺍ ﺍﻟﺴﺒﻞ ﻓﺘﻔﺮﻕ ﺑﻜﻢ ﻋﻦ ﺳﺒﻠﻪ …
[ ﻣﺴﻨﺪ ﺍﺣﻤﺪ،ﺝ: ١،ﺹ: ٤٣٥ ]
[ ﻣﺸﻜﻮٰﺓ،ﺝ : ١،ﺹ: ٣٠ ]

Tarjumah:- 

“Hazrat Abdullah Bin Mas’ood r.a Bayan farmate Hain Ke Rasool’Allah Sallallahu Alaihi Wa Sallam Ne Ek Sidhi Lakeer Khinch Kar Farmaya: Ye Allah Taala Ka rasta Hai Phir Aap Ne Dayen Aur Bayen Chand Lakeeren Khinchin Aur Farmaya Ye Bahut Se Raste Jo Hain In Mein Se Har Ek Raste Par Shaitan Baitha Hai, Jo Apni Taraf Daawat Deta Hai Aur Aap Sallallahu Alaihi Wa Sallam Ne Ye Aayat Tilawat Farmayi:-
 

( ﻭﺍﻥ ﻫﺬﺍ ﺻﺮﺍﻃﻰ ﻣﺴﺘﻘﻴﻤﺎً ) 

Ke Ye Mera Sidha Raasta Hai Is Ki Hi Pairwi Karo (Aur Shaitan Ke Raston Ki Pairwi Na Karo)”
 

 Is Hadees E Mubarkah Mein Nabi Sallallahu Alaihi Wa Sallam Ne Kis Qadar Wazeh Alfaz Mein Is Baat Ki Nishan-Dehi Kar di Hai Ke Hidayat Ka Rasta Sirf Sabil’Allah (Allah Ka Rasta) Hi Hai Baqi To Sab Shaitan Ki Raahen Hain Jo Hidayat Ka Rasta Nahin Kahla Sakta…

Bhaiyon! Zara Gaur Karo..?

Allah Taala Ka Irshad Hai Ke:
 

 “Sidha Rasta Mera Hai uski Pairwi Karo Aur Dusre Raston Ki Pairwi Na Karo Warna Woh (Shaitan) Tumhen Sidhe Raste Se Bhatka Denge”
 

 [ surah,Al-An’aam:153]

Allah Paak To Apne Bandon Ko Siraat E Mustaqeem Ke Elaawa Dusre Raasto Ki Itteba Se Rok Raha Hai, Magar Moqallideen Hazraat Hain Ke Sabil’Allah (Siraat E Mustaqeem) Ke Elaawa Raaston Ki Daawat De Rahe Hain,

Aur Ye Baat Roz E Roshan Ki Tarah Aya’n Hai Ke Taqleed Ne Aa Kar Logon Ko Allah Ke Raaste Se Door Kar Diya.. Ab (Taqleed Ke Baad) Moqallid Ye Kahta Hua Zarra Barabar Bhi Aar Mahsoos Nahin Karta Ke….

Main Is Hadees Ko Isliye Nahin Maanta Ke Ye Mere Imam Ke Qaol Ke Khilaaf Hai Balke Is Hadees Ko Thukrane Ke Liye Qaanoon Waz’aa Kar Deta Hai Ke Jo Bhi Quran Majeed Ki Aayat Ya Hadees E Paighamber Sallallahu Alaihi Wa Sallam Hamare As’haab (Aaimah) Ke Mazhab Ke Khilaaf Aayegi Use Thukra Diya Jayega..

Meri Guzarish Hai Apne Moqallid Bhaiyon Se Ke Wo Is Taqleed Ki Dal-Dal Se Nikal Kar Kitab Wa Sunnat Ke Chashmah E Saafi Se Apne Aap Ko Sairaab Kar Lo Ke ye Shirk Wa Bid’at (Taqleed) Ke Bimaron Ke Liye Ek Akseer Hai,,

Allah Paak Musalmano Ko Kitab Wa Sunnat Par Amal Karne Ki Toufiq Ata Farmaye…
Aameen Ya Rabbul Aalameen,

Pleas Share..

IN SHA ALLAH KAHNE KI AHMIYAT


*** Bismillah Hirr Rahman Nirr Rahim…***
.
.
.
⇨”Aur Hargiz Kisi Kaam Par Yun Na Kehna K Main Aisai Kal Kar Dunga.
.
Magar Sath Hi InshaAllah Keh Lena ,
( Yani Agar Allah Chaha To Kar dunga).
.
Aur Jab Bhi Bhoole Apne Parwardigar ko Yaad kar Liya Karna
.
Aur kehte Rehna Mujhe Poori Ummeed Hai K Mera Rab Mujhe Is Se Bhi Ziyada Hidayat K Qareeb ki Baat ki Rehbari Karay”.
.
(Qur’an 18:23-24)

JANNAT KI NEMATEIN


Bismillahirrahmanirraheem

Nabi Kareem(S.A.W.) ne farmaya: 

“Allah Taa’ala ka farmaan hai ki maine apne nek bandon ke liye aisi cheezein tayyaar kar rakkhi hain jinhe unki aankhon ne na kabhi dekha hoga aur na kabhi suna hoga aur na hi kisi insaan ke dil me un cheezon ka khayaal hi guzra hoga. Agar jee chaahe to (Surah Alif laaaaam meeeeem sajda ki) ye aayat padh lo “aur koi nahi jaanta ki uski aankhon ki thandak ke liye (Jannat me) kya-kya cheezein chchupa kar rakkhi gayi hain.”
 

Sahih Al Bukhari(Hadees no.3244).

TADFEEN KE MASAAEL


1: Kabr Gahari Chauri Aur Saf Suthri Honi Chaiye

 [Abu Dawood 3215] – 

2: Karibtarin Rishtedaro Ko Chaiye Ki Mayyat Ko Kbr Me Utare 

[Hakim, Baihaqi ] – 

3: Jarurt Ke Waqt Ek Kbr Me Ek Se Jyda Mayyate Dafan Ki Ja Sakti Hai 

[ibne Majah 1560] – 

4: Shauhar Apni Biwi Ki Mayyat Ko Kbr Me Utar Sakta Hai 

[ibne Majah] – 

5:Mayyat Kbr Me Rakhte Waqt Yah Dua Bismillahi wa Ala Sunnati Rasulullahi Sallallhu Alhahi Wasallam Padhna Sunnat Hai 

[muslim 1550] – 

6:Kbr Par 3 Mutthi Mitti Dalna Sunnat Hai

[Muslim 1565] – 

7: Jameen Se Kbr Ek Balisht Se Jyda Nahi Honi Chaiye 

[Abu Dawood 3220] – –

 8: Kbr Unchi Banana , Pakki Banana, Ya Kbr Par Majar Bnana ya Koi Tamir Karna Mana Hai 

[Abu Dawood 3225] – 

9 Kbr Par Nam Tarikhe Wafat Ya Kuch Aur Likhna Mana Hai 

[abu Dawood] – 

10: Kbr Par Btaur Nishani Patthr Gadhna Sahi Hai 

[ibne Majah 1561] – 

11 Dafan Ke Kbr Par Pani Chirkna Jaiz Hai 

[ibne Majha 1551] – 

12: Rat Me Dafan Karna Jaiz Hai 

[Bukhari 1247] – 

13: 3 Waqto Suraj nikalne suraj Sar Par Hone Aur Suraj Dubte Waqt Me Mayyat Ko Dafan Karna Mana Hai 

[ibne majah 1519] – 

14 Dafan Ho Jane Ke Sawal Hote 

[tirmizi] – 

15 dafan ke Bad Kbr Par Khade Rahkar Mayyat Ke Liye Sawal Jawab Ke Waqt Sabit Kadm Rahne Ki Dua Krni Chaiye 

[Abu Dawood 3221] – 

16 Kbr Me Azab Hota H Us Se Panah Mangani Chaiye 

[Bukhari 1377] – 

17:Mayyat Ko Kbr Me Subah Sham Thikana Jannat Ya Jahnnam Dikhaya Jata Hai 

[Bukhari 1379] – 

18 Momin Murde Ki Haddi Todana Ya Katna Jinda Insan Ke A’aza Todane Ya Katne Jesa Hai 

[Abu Dawood 3207] 

Via: Ayan Khan Salafi

SHAITAAN AUR NAZAR E BAD SE BACHNE KI DUA


✦…..Shaitan aur Nazar-E-bad se Bachne ki Dua…..✦

*** Bismillah Hirr Rahman Nirr Rahim…***
.
.
.
Hazrat Ibn Abbas R.A se Rivayat Hai k
.
RasoollAllahﷺNe Hazrat Hasan o Husain R.A k liye Panaah Talab kiya karte The

.
Aur
.
Farmate The K Tumhare Buzurg Dada (Ibrahim Alaihi salam) Bhi In kalimat k Zariye Allah ki Panaah
Ismaeel aur Ishaq (Alaihi salam) k Liye Manga Karte The.
.
.
.
( A’oodhu bikalimatIllahi-tammati min kulli shaytaanin wa hammatin wamin kulli ‘aynin lammatin. )
¤
(Main Panaah maangta hun Allah k pure pure kalimat k zariye,
Har aik shaitan se aur har zahreele janwar se aur har nuqsan pohnchane wali nazar-e-bad se).
.
[ Sahih Bukhari :: 3371]

.
.

GHALAT FAHMI AUR SHAQ KA BEEJ HASTE MUSKURAATE GHAR KO VEERAAN KAR DETA HAI


 

 
 
 

Galat fehmi aur Shak ka beenj haste muskurate Ghar ko wiraan kardeta hai,
is se pehle ke Shak ka beenj aik Tanawar darakht ban jaye Aapas mein baat cheet ke zariye Galat fehmi ko Door karlena chahiye.

Iblis Apne Shaitan se kahta hai ki Tunney Shohar aur Biwi Mein Judayee Karwa kar Bada kaam kiya Hai

Jabir RadiyAllahu Anhu se rivayat hai ki Rasoollallah Sallallahu Alaihi Wasallam ne farmaya Shaitan (Iblis) ka takht samandar par hai aur wo apney lashkaron ko logon mein bhejta hai (fasad phailaney ke liye), uskey nazdeek martabe mein zyada achcha wo hota hai jo bada fasad daaley, jab koi shaitan us (Iblis) sey aakar kahta hai ki maine fala fala kaam kiya (yani kisi se chori karwayee , kisi ko sharab pilwa di ) to shaitan kahta hai ki tuney kuch bhi (khas) nahi kiya, phir koi Aikk (shaitan) aakar kahta hai ki mainey falah ko na chorha yahan tak ki usmein aur uski biwi mein judayee karwa di , (ye sunkar iblis) us (shaitan) ko apney paas bula leta hai ki haan tuney bada kaam kiya hai Amash Radi Allahu Anhu ne kaha ki wo (iblis) usko (shaitan ko) galey se laga leta hai.

[Sahih Muslim :: Vol.6 :: Hadith 7105]