HINDUSTAN ME ISLAM KYUN’KAR FAILA ?? (PART-1)


 .Bismillahirrahmanirraheem

 

HINDUSTAN ME ISLAM KYUN’KAR FAILA ?? (PART-1)

1- Quraish E Makkah Ek Tijaarat Pesha Qaum Thi, Islam Se Pahle Bhi Unki Tijaarat Duniya Ke Mukhtalif Hisson Me Faili Hui Thi, Unke Kaarwan Ba’mausam Sarma (Winter) Mulk Misr (Egypt) Aur Ba’mausam Garma (Hot) Mulk E Shaam Me Is Tarah Aaya Jaaya Karte They Jaise Koi Kisaan Subah Wa Sham Apne Khet Me Chakkar Lagaya Karta Hai,

Usi Qaum Ke Andar Aise Kaafile Bhi They Jo Arab Se China Tatar Tak Aur Arab Se Sudan Tak Pahunchte Aur Maghrib Wa Mashriq Ki Mandion Me Idhar Se Udhar Ka Maal La La kar Dena Apna Alu’himmat Aur Insaaniyat Ka Farz Samjha Karte They,

Bible Me Arab Ki Tijaarat Ka Zikr Mutaddid Maqamaat Par Aaya Hai,

Kitab Paidaish Ka Bayan Hai Ke Hz Yousuf (As) Ko pelestine Se Egypt Le Jaane Waala Kaafila Madyaanion Hi Ka Tha, Wahi Madyaani Jo Banu Ismael Ke Pahlu Ba Pahlu Aabaad They Aur Jinka Imtiyaazi Laqab Banu Qatoora Bhi Tha (Qatoora Khatoon Hz Ibraheem (As) Ki Teesri Khatoon Ka Naam Hai),

Quran Majeed ki Surah Quraish Me Bhi Ahle Makkah Ke Unhi Kaarnaamon Yani Kaarwaani Fatuhaat Ka Zikr Farmaya Gaya Hai,

Sahih Bukhari Ki Hadith Se Waazeh Hota Hai Ke Jab Nabi E Kareem Muhammad Sallalaho Alaihi Wasallam Ka Farmaan E Daawat Hirakul Shah Rome Ko Ba’muqaam Jeruselam Diya Gaya,

Us Waqt Bhi Ghair Muslim Quraish Ka Ek Kaafila Jeruselam Me Maujood Tha, Aur Shah Rome Hirakul Ne Unhi Logon Ko Darbaar Me Talab Karke Nabi E Kareem Muhammad Sallalaho Alaihi Wasallam Ke Akhlaaq Aur Taaleem Wa Talqeen Ke Mutaalliq Aazaadana Tahqeeq Ki Thi,

Is Khulaasa Se Mera Maqsad Sirf Ye Waazeh Karna Tha Ke Quraish Ka Qadeem ahad Se Tijaarat Pesha Hona Waazeh Kar Diya Jaaye,

2- Nabi E Kareem Sallalaho Alaihi Wasallam Ke Khulefa Rasheedeen (11 Hijri Ta 40 Hijri) Jo Khilaafat Nubuwwat Ke Sharf Se Mumtaaz Hue Wah Bhi Quraishi Nasal Hi Se They , Wah Halal Ke Liye Tayyib Tareen Tareeqa Tijaarat Hi Ko Samjhte They, Lihaaza Wah Tijaarat Ki Taraf Se La’parwaah Na Ho Sakte They,

Ameer ul momineen Hz Umar Farookh (Ra) Ne Qaum Ke Buland Iraadon Ko Dekhkar 2 Nayi Mandion Ka Qayaam Farmaya

1- Koofa
2- Basra

Hamare Article Ka Talluq Mandi Basra Se Bahut Zyada Hai,

Agar Us Zamaane Ka Koi Aala Tareen Mudabbir Hindustan Ke Liye Arab Se Koi Aisa Seedha Raasta Nikaalna Chaahta Jisme Samundar Ka Chote se Chota Raasta Padta Ho Aur Us Aabaad Mandi Se Lekar Haramain Tak Ka saara Raasta Ek Hi Qaum, Ek Hi Mazhab, Aur Ek Hi Zabaan Bolne Waale Ke Qabze Me Ho Toh Wah Basra Ke Siwa Aur Kisi Maqaam Ka Intekhaab Nahin Kar Sakta Tha,

Ameer Ul Momineen Hz Umar (Ra) ne Unhi Khususiyaat Ko Madde’nazar Rakhte Hue Basrah Ko Is Maqaam Par Aabaad Kiya,

Ahad Farooqi Me Arab Ne Samundar Ko Uboor Nahin Kiya, Taaham Basra Ki Mandi Ko Markaz Qaraar Dete Hue Musalmano Ne Mashriqi (East) Siberia Tak Ko Apni Panaah’gaah Banaane Me Khaasi Kaamyaabi Haasil Kar Li Thi,

Ameer Ul Momineen Hz Usman (Ra) Ko Apni Khilaafat Ke Aaghaaz Hi Me Bahri Bedha (Naval) Banaane Ki Fauri Zaroorat Mahsoos Hui, Ye Zaroorat Aztaraari Bhi Thi, Unko Sahih Ittela Mil Gayi thi Ke Wah Jeruselam (Bait Ul muqaddas) Jise Musalman Ahad Farooqi Me Khuski Ki Raah Se Fatah Kar Chuke They Ab Use Bahri Raasta Se Fauj Kashi Karke Shah Rome Waapas Lena Chaahta Hai,

Ameer Ul Momineen Ne Bahri Beda Qayem Kiya, Makka Ka Saabiq Bandar’gaah Saeedah Tha , Wah Tang Aur Jadeed Bedah Ke Liye Ghair Maktafi Tha Isliye Jeddah Ko Bandar’gaah Banaya Gaya, Fir Madeena ke Liye Bhi Jeddah Aur Egypt Ke Darmiyaan Ek Jadeed Bandar’gaah Tajweez Ki Jo Ab Yanbu Ke Naam Se Naam’zad Hai, Madeena Se Yanbu Tak Jo Khushk (Dry) Raasta Hai Use Nabi E Kareem Muhammad Sallalaho Alaihi Wasallam Mulaaheza Farma Chuke They,

Ameer ul Momineen hz Usman (Ra) Ka Qayem kardah Bedah 3 Saal Ke Andar Ek Zabar’dast Bahri beda h Ban Gaya, Usne Crete Aur Malta Aur Tarabulas Maghribi (Jahan Par Hirakul Apni Bahri Taaqat Hijaaz Wa Pelestine Aur Egypt Ke Khilaaf Faraaham Kar Raha Tha) Fatah Kar Liya,

Bedah Ki Kaamyaabi Ne Saffain Par Dajla Wa Furaat Ka Raasta Khol Diya Aur Quraish Ke Badhte Hue Iraadon Ne Basra Se Saahil Hindustan Ki Taraf Ka Silsila Qaayen Kar Diya,

Ye Log Basra Se Karachi Wa Surat Hote Hue Apne Jahaaz Malebaar Tak Laya Karte They, Lihaaza Bahut Se Maqaam Unke Qayaam Wa Aaraam Ka Nasheman Ban Gaye They Aur Unke Taalluqaat Roz Ba’roz Taraqqi Ke Saath Badh Rahe They..

  3- Un Jahaazon Ki Tadad Aahista Aahista Badhti Rahi Aur Unki Daulat Wa Tamool Ki Daastaan Bhi Mubaalgha Ke Saath Mulk Me Failne Lag Gayi, Hatta Ke Hukmaran E Sindh Ne Unko Pareshan karna Shuru Kar Diya, Un Par Bhari Bhari Tax Lagaaye Aur Unki khuli Tijaarat Par Beja Qaid Ka Izaafa Kiya, Aur Fir Ye Zor O Sitam Yahan Tak Badh Gaya Ke Kai Dafa Jahaazon Ko Loota Gaya Aur Mu’azziz Taajiron Ko Mazeed Jurmaana Wa Tawaan Ke Liye Majboor Kiya Gaya… Ye Waaqye Abdul Malik Umawi Ke Ahad e Sultanate Ke Hain..

Abdul Malik Bhi Quraish Qabeele Se Tha, Wah Tijaarat Ki Qadr O Keemat Ko Samjhta Tha, Wah Jaanta Tha Ke Apni Qaum Ke Taajiron Ki Agar Wah Hifaazat Na Karega Toh Khud Uska Takht Khatre me Aa Jaayega, Lihaaza Usne Apne Governor Basra Wa Koofa Yousuf Bin Hajjaj Sakafi Ko Sindh Fauj Rawaana Karne Ka huqm Diya,

Yousuf Bin hajjaj Agarchah Zaalim Ka Putla Tha Lekin Umoor Kharjaah Me Wah Zabardast Mudabbir Tha,

Usne Muhammad Bin Qasim Ko Nihaayat Bahadur Aur Saazo’samaan Se Nihaaayat Muqammal Lashkar Ke Saath Sindh Rawaana kar Diya, Is Lashkar’kashi Ka Maqsad Sirf Taadeep Aur Bahri Khatraat Ko Islaami Tajjaar Ke Saamne Se Hata Dena Tha,

Muhammad Bin Qaasim Ne Jaabir raja Daahir Ka Mulk Aisi Rawaani Se Fatah Kar Liya Ke Aas Paas Ki Hukumaton Par Uska Rob Chha Gaya, Usne Sabse muwahedaat (Treaty) Kiye Aur Maftoofa Mulk Ka Intezaam Usi Qaum Ke Haath me Chhod Kar watan Ko Waapas Chala Gaya, Jaane Se Peshtar Usne Multan Ko Markaz Isha’at E Islam Bhi Muqarrar Kar Diya Tha, Us Markaz Me Aahista Aahista Kaam Hota Raha,

Umar Bin Abdul Aziz Umawi Ne Jo Nek Aur Saaleh Hukmaran They, Apni Khilaafat Ke Ayyaam Me Hukmaraan e Sindh Ko Daawat E Islam Di, Faraameen Bheji Aur Us Nek Niyyat Baadshah Ke Faraameen Ne Sainkdon Logon Ko Imaan Aur Amal Saaleh Ka Aashna Banaaya,

Ye Jumla Waaqeyaat Pahli Sadi hijri Ke Hain,

Bahri tijaarat Ke Raaste Khul Jaane Ke Baad Arab Taajjaar Ki Aamad O Raft Junoobi (South) Hindustan Tak Fail Gayi Thi, Unhone Malabaar Ko Tijaarat Nez Isha’at E Islam Ka Markaz Banaya Aur Jazair Lankadeep (Sri Lanka) Aur Maldives Tak Islam Ko Aisi Khoobi Se Pahunchaaya Ke Wahan Ka Raja Bhi Musalman Ho Gaya,

Arab Saudagar Nau’muslimah Aurton Ko Apne Khaandaan Ki Khwaateen Ka Darjah Dekar Unse Shadi Kar Lete They, Un Musalman Tajjaar Se Hindu Maharaja Amuman Khush Rahte They

1- Isliye Ke Unki Tijaarat Unke Mulk Aur Taraqqi Mardum Shumaari Aur Afzoni Daulat Ka Sabab Thi,

2- Aur Isliye Ke Ye Tajjaar Mulk ke Androoni Intezaam Ya Maraaseem Me Zara Bhi Madakhalat Na Karte They….

4- Dusri Sadi Hijri Me Islam Jazeera Selwan Tak Islami Siyaahon Ke Dam Kadam Se PahUnch Gaya, Aise Siyaaheen Me Sheikh Shareef Bin Malik Aur Unke Bhai Malik Bin Dinar Zyada Mumtaaz Hai, Unhi Ki Hidayat Se Anganoor Ka Raja Musalman Hua, Aur Musalman Hote Hi Hajj Ko Rawaana Ho Gaya Aur Arab me hi Uski maut Ho Gayi,

Uski Aakhiri Wasiyat Ki Taameel Uske Jaan’nasheeno Ne Poori Sadaaqat Se Ki Aur Musalman Muballigheen Ko Mangalore, Bangore, Kanjarcoat Wagerah Me Tableegh Karne Aur Masjid Banaane Ki Ijaazat De Di, Yahi Wah Zamaana Hai Jab Mopalla Qaum Ke Baashinde Bhi Daakhil E Islam Hue They…

SAHABA KE AQWAAL KE MUTALLIQ AHLE HADITH KA MANHAJJ


  

 
 
SAHABA KE AQWAAL KE MUTALLIQ AHLE HADITH KA MANHAJJ
 
Baaz dafa hum dekhte hai ke Tassub Parast Muqallideen Ilzaam lagaatey hai ke Ahle Hadees Sahaba ko nahin maante unke aqwaal ko ehmiyat nahin dete to main yahan Sahaba ke aqwaal ke mutalliq Ahle Hadees Ka Manhaj bataana chaahta hoon;
 
Imam Shawkaani rahimullah farmaate hai;
 
“Sahaba ki wo baat jo ijtihad aur raay ke zarye nahin kahi jaa sakti Ullama ke nazdeek Hujjath hai kyunki uss mein yeh ihtimaal hai ke yaqeenan yeh baat Sahabi ne Rasoolullah saw se suni hogi.Sahabi ke jis qaul par ijma ho chuka ho usey hum sharii Hujjath Qarar dete hai. Agarche Sahabi ke aise qaul jo Ijtihad wa Raay par mabni ho wo wajib ul ittiba to nahin hum apni raay par unki raay kotarjeeh dena yaqeenan afzal hai.”
 
(Fiqh ul Hadees, Vol. 1, pg. 60-61)
 
 Aur jo Hadees Ilm rakhte honge wo jaante hi honge ke Hadees ki takhreej karte waqt kabhi bhi Sahaba par jarh nahin kiya jaata. Ahle Hadees ka Aqeedah hai ke tamaam Sahaba Thiqah aur Aadil the. Har ek raawi par Jarh ka imkaan hai lekin Sahaba par nahin. Aur hamaare nazdeek Sahaba agar Quran ki tafseer bayaan kare ya Hadees ki tashreeh karey ya phir Quran o Hadees ke hawaale se koi baat kahey to hum unn aqwaal par Marfoo Hadees ka hukm lagaatey aur useyHujjath Qarar dete hai. Usi tarha Sahaba agar koi ghaybiyaat waali
baat bataaye jaise Jannat, Jahannum ya Aakhirat ka tazkira. Ya pichley qaum ka tazkira to isey bhi hum Marfoo Hadees ka hukm lagaa kar Hujjath qarar dete hai. Kyunki iss tarha ki baat yaqeenan Sahaba ne Rasoolullah se suni hogi.
 
Ab chalye dekhte hai yeh Tassub Parast
 
Muqallideen ke yahan aqwaal e Sahaba ki kya haisiyat hai;
 
Deobandi ke “Shaykh ul-Hadeeth” aur  “Shaykh ul- Hind” of Deobandiyah, Mahmood ul-Hasan Deobandi Kahte Hai
 
“Sahaba Ka Amal Hujjat Nahi Hai.
 
[Taqaareer Shaykh ul-Hind P. 30]
-
Dusri Jagah Wo Farmaate Hai,
 
“Ek Sahabi Ka Qaul Hum Hanfiyo Ke Liye Hujjat Nahin.”
 
[Taqaareer Shaykh ul-Hind P. 43]
– - Abul Kalam

AHLE TAQLEED KA RAWAIYYA


 BISMILLAHIRRAHMANIRRAHEEM
 
Taqled’parast Aale-DeobandAur fahme- sahaba r.z
 
  Mashhor Mutasib Muqallid Sarfaraz safdar farmatyhn:
 “Magr Fahme sahabi Aur Moqofe sahabi Hujjat Nhi”
 
{Ahsanul’kalam: 580}
 
,DeobAnDi shaikhul’islam Mufti Taqi usmani likhta
hy:
“Sahabi Ka Ijtihad Hujjat Nhi”
 
{darse trmazi:1/191}
-
Deobndi shaikhul’hind mahmodul’hasanK
ehta hy
“baqi Feile Sahabi Wo koi Hujjat Nhi”
 
{ALwrdushazi:5}
,-
Dosri jaga Yahi Deobndi shaikhUmmat k sub sy bary Alim k Ek Qol Ki Tarded krty hwy
likhta hy
“Hm Ahnaf Qole Ibne Abbas r.z Ka Yahi Jawab Dengy wo Sahabi Ki Rai hy”
 
{Alwardushazi: 23}
-
,
Malom hwa K Taqled’parasto k Nazek sahabi ka Faham Mutabar NhiAurSahabi ki Rai B
Bekar hy(Naozu’billah ),

BIDAT-E-HASANA



Bismillahirrahmanirraheem


Sawaal Hai Ki Bidat e Hasana Jaisi Koi Cheez Nahin Hai Toh Hz Umar (Ra) Ne Ye Kyun Kaha Ki Ye Acchi Bidat Hai ??

Ye swaal Baar baar Poocha Jaata H Ki Jab Hz Umar (Ra) ne Logon Ko Ek Jamaat Me Jama Kiya Taraweeh Ke Liye Ya Qayam e Ramzaan Ke Liye Toh Unhone Dekha Ki Log Namaz Padh Rahe Hain toh Kaha

“NiyamatUl Bidatil Haajihi”

Tarjuma: Ye Kaisi Acchi Bidat Hai

Ulema Ne Yahan Par Samjhaaya Hai Un Logon Ko Jinko Jaldi Samjh Me Nahin Aata hai

ke Yahan par Hz Umar (Ra) Ka Jo Jumla Hai Wo Sharai Aitbaar Se Nahin Hai Balke Waqi’e Aitbaar Se Hai, Zabaani Aitbaar Se Hai, Yani Lughwi Aitbaar Se hai

Kya Matlab Hai, Dekhiye Hz Umar (Ra) Ke Zamaane Me Ibtedaayi Daur Me Ye Hota Tha Ke Ek Aadmi Akela Namaz Padh Raha hai Taraweeh Ki Kuch Log Ek Imam Ke Peeche Padh Rahe Hai Kuch Log Dusre Imam Ke Peeche padh Rahen Hain, Aur Kai Jamaatein Aur Infiraadi Namazein Us Masjid Me Hoti Thi Hz Umar (Ra) Ne Dekha Ke Kaha Ki Agar Ye Sab ke Sab Ek Imam Ke Peeche Jama Hon Toh kitna Accha Hoga,

Kyun Kiya Unhone Aisa ??

Isliye Ki Hz Umar (Ra) Ne Dekha Tha Ke Allah Ke Rasool Sallalaho Alaihi Wasallam Ka Aakhiri Amal Ye Tha kE Aap Sallalaho Alaihi Wasallam Ne 3 Raaton Mese Aakhiri Raat Me Sabko Jama Kiya Tha Namaz Ke Liye, Aur Aapne EK imam Bankar Saare Musalmano Ki Jo Madeena Me Jo Log Namaz Ke Liye Aaye They, Un sab Ki Aapne Ek Jamaat Me Imaamat Ki Thi,

Toh Waqi Agar Ye Amal Accha tha Toh Allah Ke Nabi Sallalaho Alaihi Wasallam Ko Ye Pasand Tha Tabhi Toh Allah Ke Nabi Sallalaho Alaihi Wasallam Ne Aisa Kiya, Aur Hona Aisa Hi Chahiye Tha Toh Aapne Kiya,

Lekin Aap Dare Is Baat Par Kahin Ye Farz Na Ho Jaaye,

Toh Aapne Us Darr Ki Wajah Se Wo Accha Amal Chhod Diya,

Kyonki Wo Farz Na Ho Jaaye, Agar Farz Ho Gaya Toh Log Kar Nahin Paayenge,

Kyunki Hz Moosa (as) Ne Pahle Hi Bataya Tha Aapki Ummat Nahin Kar Paayegi, toh 5 Par Maamla Aakar Ruk Gaya Tha. Ab Aur Agar Farz Ho Jaaye Toh Ummat Ke Liye Mashakkat Ho Jaayegi,

Aap Miswaak Ka Huqm Nahin Dete They Logon Ko

“Agar Ummat par Taqleef aur Mashaqqat Ka Khauff nahin Hota Toh main Har Namaz Ke Liye Ummat Ko miswaak Ka Huqm Deta har Namaz Ke Waqt me”

Toh Aap Darte They Ki Ummat Par Taqleef Na Ho, Mashakkat Na ho, Balke Aasaani Rahe,

Aap Rahmatullillaalameen They

Toh Aapne Akhiri Jab Teesri Raat Sabko Jamaat Me Namaz Padhkar Bataya Toh Aapne Ishaara Diya Ki Asal Ye hai, Jamaat Matloob Hai, Isi Liye Aapne Wo Kiya,

Lekin Fir Aapne chhod Diya, Sahaba Intezaar Me Ke Aap Kyun Ni Aaye Chauthi Raat Me,

Aapne Kaha:-”Mujhpar Tumhara Raat Me namaz Me Intezaar Karna Mera Makfi Nahin tha Lekin Main Dara Is Baat Se Ke Kahin Ye Tumpar Farz Na Ho Jaaye Toh Maine Ye Kiya”

Toh Aapka Na Nikalna chauthi Raat Me Namaz Ki Jamat Liye Ek Majboori Ki Wajah Se , Tha, Ek Darr Ki Wajah Se Tha, Ke Kahin Allah Ki Taraf Se Iske Farziyat Ka Huqm Na A Jaaye, Kahin Wahi Na naazil Ho Jaaye ki Ab Hamesha Aise Hi padhte raho,

Hz Umar (Ra) Ke Daur Me, Hz Umar (Ra) Ne Dekha ke Ab Toh Wo Baat Ni Hai , Ab Toh Wahi Ka Silsila Ruk Gaya, Aur Padhne Ki Namaz Ke 2 Tareeqe Hain,

Ek Toh Ye Ke Jamat Ke Saath Na padha Jaaye , Alag Alag, Ya Alag Alag Jaamton Me Padhen Ya Infiraadi Namaz Padh A Jaaye, Ya Fir Ek Jamaat Se Padha Jaaye,

Dono Me Best Kiya Hai !?,

wo Tareeqa Jo Nabi Ka Hai, Lekin Nabi Ne Toh 3 Raat Padha,

Allah Ke Nabi Sallalaho Alaihi Wasallam Ne 3 Raatein Namaz padhin,

Ab Maheene Bhar Padhen Ya Nahin Padhen Toh Hz Umar (Ra) Ne Maheene Bhar Ke liye Jaari Kar Diya,

Ab Maheene Bhar Padhna Practically Nabi Ke Zamaane Me Nahin Hua Tha, lekin Isi Asal Nabi Ke Amal Me Maujood Thi, Waise Hi jaise Aashoore Ki 10wi Ka Roza to Nabi ke Amal Me Hai 9wi Ka Amal Me Nahin Hai,

Lekin Ham Aur Aap Dono Ka Rakhte hain, Toh Nabi Ke Amal Me Wo Cheez Nahin Thi, Lekin Nabi Sallalaho Alaihi Wasallam Ko Pasand Wo Amal Tha,

Aapne Niyyat Uski Ki Thi, Toh Jo Nabi Ko Pasand Hai Wo Bhi Deen Hai,

Isliye Hz Umar (Ra) Ne Kaha

“Nemal Bida’atul Haazihi”

Toh 2 Lafz Istemaal Kiye, Kaha “Nema’a” Accha Hai, Toh Nabi Ko Pasand Hai Toh Malum Hua Accha Hai Isi Liye Toh Jama Kiya,

Lekin “Bidat” Kaha Ye Naya maamla hai, Kyun ?

Kyunki Nabi ke Zamaane Me Poore Maheene Ki Taraweeh Jamaat Se Nahin Thi, Lekin Nabi ko Pasand Tha Jamaat Se Padhna Toh 3 Raaton Me Rukne Ki Wajah Se 3 Raaton Ki Ginti Poori Karni Nahin Thi Balke Chauthi Me Padhenge Aur Padhte Rahenge Farz Ho Jayegi, Toh Asal 30 Raat Padhe Toh Accha Hi Hai, Lekin Nabi Ne Padha Nahin Majboori ki Wajah Se,

Toh Is Aitbaar Se Ye Ek Naya Maamla hua ye Uss Zamaane Me Nahin Tha Ke Maheene Bhar Padhen, Toh Ye Naya Maamla hai, Lekin Ye Naya Maamla Nabi Sallalaho Alaihi Wasallam ko Pasand Hone Ki Wajah Se Accha Hai,

Toh Ye Wo Bidat Nahin Hai Jo Buri Hai, Ye Bidat Hai Ye wo Amal Hai Jo Nabi Sallaho Alaihi Wasallam Se Saabit Hai Lekin Iska Amal Ruk Gaya Hai, Aur Is Tarah se Soorat Us Zamaane Me Nahin Thi ke Poora Maheena Padha Jaaye

Is Tarah Hz Umar (Ra) Ne Kaha Ye Kaise Acchi Bidat Cheez Hai Jo Nahi Hai jo Pahle Nahin Thi,

DekhiYe Jamaat Thi ke Nahin Thi ??, Thi,

Allah Ne Nabi Sallalaho alaihi Wasallam Ne Jamaat Banaayi, Ek Imam Baaqi Muqtadi,

Hz Umar (Ra) Ne Yahi Kiya Ke Ek Jamaat Ki, Aur ye Accha Hai Aur Ye Saabit Hai Nabi Sallalaho Alaihi Wasallam Se,

Poora Ramzaan Taraweeh Padhna Kya Nabi Sallalaho Alaihi wasallam Se Saabit Nahin Hai,

Aapne Kaha

“Jo Poora Ramzaan Imam Ehtesaat Ke Saath Qayaam Kare”

poora Ramzaan Qayam Karna Bhi Acchi Cheez Hai,

Jamaat Ke Saath Qayaam Karna bhi Acchi Cheez Hai,

Lekin Ab ye Dono Milke Nabi Ke Zamaane Me Poora Maheena Nahin Tha,

Iska Wajah Kya Thi, Poora Maheena Nahin karna Chahiye thi,

Ya poora Maheena Karenge Toh Musalmaano Par Mashakkat Hogi ?

Chaah Kar Bhi Nahin Kiya Nabi Sallalaho Alaihi Wasallm Ne,

Ye Wajah Thi Iski,

Toh Hz Umar (Ra) Ne Kaha Ab Toh Wahi Band Ho Gayi, Chalo Poora Maheena shuru Kar Dete hain, Kyonki Ye Amal Nabi Ko Pasand Tha Lekin Saabit ni Hai.

Toh Wo Amal Jo Nabi Ko Pasand Ho Lekin Uski Shakal Nabi Ke Zamaane Me Maujood Na ho, Toh Shakal Ke Aitbaar Se Wo Naya Hai Lekin Aqal Ke Aitbaar Se Wo Puraana Hai, Nabi Se Saabit Hai, Nabi Ko Pasand hai, lekin Nabi Ne Kiya Nahin Hai toh Is Aitbaar Se Isko Umar (Ra) Ne Bidat E Hasana Kaha Hai……

By:- Sheikh Abu Zaid Zameer Hafizahullah

TAQLEED E SHAKHSI KE WAJOOD PAR MAULANA ASHRAF ALI THANVI (RH) KI PAHLI DALEEL KA JAYEZA:


Bismillahirrah manirraheem

TAQLEED E SHAKHSI KE WAJOOD PAR MAULANA ASHRAF ALI
THANVI (RH) KI PAHLI DALEEL KA JAYEZA:

Pahli Daleel Toh Maulana Ne Ye Di Hai Ke

” Tum Log Un Dono Shakhson Ki Iqteda Kiya
Karna JO Mere Baad Honge Aur Ishaara Hz
Abu Bakr Wa Hz Umar (Ra) Ko Batlaaya”

(Alam Ul Moqeen Urdu Jild 1 Page 438,
Maktaba Faheem Mau)

Tajziya :

Pas Pahle Toh Main Ahnaaf Se Ye Poochta
Hoon Ke Ilm Toh Khair Aur Cheez Hai Lekin
Aap Imaan Se Batlaayen Ke Urdu Ke Ye Alfaaz
Jo Aapke Saamne Maulana Ki Is Kitab Se Maine
Naqal Kiye Hain,

Inmese Kaun Sa Lafz Hai Jisse
Chaaron Imamon Mese Kisi Ek Ki Taqleed
Saabit Hoti Hai ???

Bhai Daleel Toh Use Kahte Hain Ke Ek Shakhs
Dawa Karta Hai Ke Namaz Farz Hai, Fat Se
Daleel Deta Hai

” Aqeemis salaat”

Lekin Agar Koi Shakhs Ye Daawa Kare Ke
Imam Abu Haneefa (Rh) Ki Taqleed Farz Hai

Aur Daleel De Ke Hz Abu Bakr wa Umar (Ra) Ki
Iqteda Karo Toh Uski Yahi Misaal Hogi Jo Aaj
Log Kar Rahen Hain Ke Kahte Hain

“Qad Khalat Man Qablah Rasool”

Yani Hz Isa Marr Gaye Ye Toh Daleel Ki Aisi
Haisiyat Thi Jo Bilkul Zaahir Hai,

Ab Iske
Jawaabaat Suniye

1- Is Hadith Me Toh Hz Abu Bakr Wa Umar (Ra)
Ki Ma’an Iqteda Ka Zikr Hua Hai, Na Dono Mese
Ek Ek Ki,
Pas Aap Bhi 4 Imamon Ki Jodha Baandth Kar 2
Kijiye Fir Do Do Ki Ma’an Iqteda Karne Ka
Huqm Kijiye Na Ki Ek Ek Ki,

2- Hz Abu Bakr wa Umar (Ra) Ki Iqteda Ke
Huqm Se Imam Abu Hanifa (Rh) Aur Imam
Shafai (Rh) Ki Taqleed Kaise Saabit Ho Gayi ??

Kya Un Dono Buzurg Sahaba (Ra) Ki Khilaafat
Se Un Dono Imamon Ki Khilaafat Bhi Saabit Ho
Sakti Hai ??

Ya Kisi Do Nabiyon Ki Nubuwwat Ka Saboot In
Imamon Ki Taqleed Ka Suboot Ban Sakta Hai,

3- Iqteda Ke Huqm Se Taqleed Ko Saabit Karna
Kiya Quraan Wa Hadith Ki Istelaah Se
Be’khabri Baratna Nahin ??

Quran Ne Nabiyon Ka Zikr Karke Aakhiri Rasol
Hz Muhammad (Sws) Ko Huqm Diya Ke

“Fabhada’hum Iqtedah”

(Surah Anaam 90)

Yani Unki Hidayat Ki Iqteda Karo.

Kya Aap Ke Nazdeek Hamare Nabi (Sws) Agle
Nabiyon Ke Muqallid They ??

4- Agar Dono Buzurg Sahabi (Ra) Ki Iqteda
Ma’an Zaroori Thi Toh KhilafAt E Siddique Me
Sultanate Aur Farmaan Sirf Hz Abu Bakr Ka
Kyun Chalta Tha Dono Ko Khilaafat Me
Baraabar Ka Shareek Ashaab Rasool Ne Kyun
Na Kiya ??

5- Pas Khilafat Siddiqui Me Sirf Iqteda E
Siddiqe (Ra) Us Hadith Ke Khilaaf Rahi Aur
Khilafat E Farooqui Me Sirf Iqteda Farooqui Bhi
Us Hadith Ke Farmaan Ke Khilaaf Rahi, Kyonki
Hadith Me Toh Dono Ki Ma’an Iqteda Karne Ka
Huqm Hua Hai,

6- Agar Dono Buzurgon Ki Maujoodgi Me Ek Hi
Ki Iqteda Zaroori Thi Jaise Aapne Farmaya Hai
Toh Fir 2 Imamon Ki Maujoodgi Me Ek Hi Ki
Taqleed Zaroori Kyun Na Qaraar Di Jaaye Aur
Jis Tarah Ek Ki Maujoodgi Me Dusre Ki Iqteda
Saaqit Hai ;

Ek Ki Maujoodgi Me Dusre Ki TaqleeD kyun Na
Saaqit Ho ??

Imam Abu Hanifa Aur Imam Malik (Rh) Dono
Ka Ek Zamana Hai Kiya Wajah Hai Ke Duniya
Par Dono Ki Taqleed Waajib Ki Jaaye ??

Un Dono Mese Ek Ki Taqleed Ko Baatil Kyun
Qarar Ni Di Jaati ??

Imam Shafai Aur Imam Malik Ka Zamana Bhi
Ek Hi Hai Un dono Mese Ek Ki Taqleed Ko
Saaqit Kijiye, Is Hisaab Se Toh 3 Taqleedein
Meethi Neend So Jaayengi, Baaqi Fir Ek Hi
Rahegi Aur Wah Bhi Imam Ahmad Bin Hambal
(Rh) Ki,

Pas Aap Toh Apni Hanafiyat Ki Saf Uthaayen..

7- Huzoor (Sws) Ne Apne Un Dono Buzurgon
Ki Iqteda Ka Huqm Diya Tha,

Ab Sawaal Ye Hai Ke Aaya Hadith Rasool (Sws)
Kisi Masle Me Saaf Maujood Hon Ya Aayat
Qur’aani Kisi Masle Me Saaf Maujood Ho Phir
Bhi Us Par Amal Karne Ke Liye Un Dono
Buzurgon Ya Un Mese Ek Ki Raaye Ka bhi Uske
Mutaabik Hona Us Aayat Wa Hadith Par Amal
Karne Ke Liye Zaroori Tha Ya Nahin ??

Agar Zaroori Tha Toh Kya Aap Koi Aisi misaal
Pesh Kar Sakte Hain Ke Sahaba Kiram (Ra) Un
donon Khilaafaton Me Quran Wa Hadith Par
Baraah E Raast Amal Nahin Karte They Balke
Har JuzziE Aur Kalai’e Mamle Me Sirf Un hi
Dono Buzurgon Ka Farmaan Hi Qabil Amal
Samjha Jaata Tha ??

Aur Agar Ye Baat Na Thi Toh Maamla Saaf Hai
Ke jin Ki Iqteda Ke Mamoor Qarn Awwal Ke
Musalman They Jab Wah Unki Maujoodgi Me
Quran Wa Hadith Par Amal Karne Me Azaad
They Toh Fir Aaj Imamon Ke Inteqaal Ke
Sadiyon Baad Ke Musalman Hadith Wa Quraan
Par Amal Karne Me Azaad Kyun Na Hon ?

Unhe Kya Qaid Hai Ke Jab Tak Imam Abu
Hanifa Ya Imam Shafai (Rh) Us Par Amal Na
Karen Ye bhi Alag Thalag Rahen ??

8- Jinki Iqteda Ka Huqm Tha Unki Iqteda Ko
Bhi Huzoor (Sws) Ne Apni Zaat Ke Baad Rakha
Aur Unki Zindagi Tak Mahdood Rakha,

Fir Kya Wajah Hai Ke Hadith Wa Quraan Hote
Hue Aaj Aap Log Hamen Aimma Ki Taqleed Ki
Zanzeeron me Jakad Rahen Hain,

Aur Kiya Wajah Jo Aimma Ke Sadiyon Baad Bhi
Hamen Is Muhliq Qaid Khaane Se Nijaat Nahin
Dete ???

To Be Continued…..In Sha allah

TAQLEED E SHAKHSI KE WAJOOD PAR MAULANA ASHRAF ALI THANWI KI DALEEL KA JAYEZA AUR HZ ABU BAKR (RA) KA KHUTBA: (PART -2)


Bismillahirrah manirraheem

TAQLEED E SHAKHSI KE WAJOOD PAR MAULANA ASHRAF ALI
THANWI KI DALEEL KA JAYEZA AUR HZ ABU BAKR
(RA) KA KHUTBA: (PART -2)

Hz Abu Bakr (Ra) Toh Masnad E Khilaafat Par
Kadam Rakhte Hi Apne Pahle Khutbe Me
Farmate Hain

” Main Jab Tak Allah Aur Uske Rasool (sws) Ki
Baaton Ki Ita’at Me Rahun Tum Meri Maanna
Aur Uske Khilaaf Tum Par Meri Baat Maanna
Haram Hai”

(Tareekh Khulefa Page 69)

Balke Aapne Ye Bhi Farma Diya Tha Ke Allah
Aur Rasool Ke Khilaaf Ho Toh Theek Kar Dena,
Meri Saran’zish Kar Diya Karna

Taareekh khulefa Me Hz Abu Bakr (Ra) Ka Ye
Farman Bhi Maujood Hai

“Logon ! Mujhpar Bhi Shaitan Musallat Hai Aur
Main mAsoom Nahin Hoon”

Ibn Sayeed Me hai Ke Aapne Apni Khilaafat
Ke Pahle Khutbe Me Hi Farmaya

“Logon Quran Naazil Ho Chuka Hai Aur
Hadithen Bayan Ho Chuki Hain (Yani Deen
Kaamil Ho Chuka Hai) Main Inki Taabedaari
Karta Chala Jaunga Kisi Baat Ko Ijaad Karne Ka
Mujhe Koi Haq Nahin, Main Quran O Hadith Ki
Pairwi Karun Toh Tum Mera Saath Dena Aur
Main Isse Zara Bhi Idhar Udhar Ho Jaun Toh
Tum Mujhe Tanbiyah Karna, Theek Kar Dena”

(Taareekh Khulefa 71)

Musnad Ahmad Me Hai Ke Hz Abu Bakr (Ra)
Aur Hz Umar (Ra) Azaad Ko Ghulam Ke Qisas
Me Qatal Nahin Karte They

(Taareekh Khulefa Page 96)

Lekin In Dono Buzurgon Ke Qaul Ko Aksar
Sahaba Kiram (Ra) Ne Nahin Maana Aur Wah
Huqm Karte Hain Ke

“Musalman Ghulam Ka Qaatil Agarchah Azaad
Ho Wah Bhi Iske Badle Qatal Kiya Jaayega”

Hanafiyon Ka Bhi Aur Khaas Imam Abu Hanifa
(Rh) Ka Bhi Yahi Mazhab Hai,

Pas Aksar Hissa Is Masle Me Un Dono
Buzurgon Ki Nahin Maanta,

2- Hz Abu Bakr (Ra) Ne Ek Zaani Ko Zina Ki
Hadd Me Kode Padwa Kar Phir Zila watan Kiya
Tha

(Taareekh Khulefa 97, Tirmizi J 1 Page 266
Bab Maja’a Fil Nafi)

Hanafi Bhaiyyon ! Phir Kya Wajah Hai Ke
Tumhare Mazhab Me Zila’watani Nahin ??

(Sharah Wiqaaya Jild 2 Page 248)

Hz Abu Bakr (Ra) Ki Taqleed Ba’qaul Aapke
Saabit Hai Phir Unki Taqleed Kyon Chhode
Ho ???

3- Us Chor Ko Jiske Haath Pahli Chori Me Kat
Chuke They Hz Abu Bakr (Ra) Ne Use Qatal Kar
Diya

(Taareekh Khulefa 98)

Unki Taqleed Saabit Karne Waale Unke Is
Fatawe Ko Bhi Nahin Maante

4- Dhaal Ki Qeemat Par Hz Abu Bakr (Ra) Ne
Haath Kaate Hain

(Taareekh Khulefa 98)

Lekin Hanafiya Isme Bhi Unki Taqleed Nahin
Karti,

5- Ek Mayyit Ki Nani Aur Daadi Dono Hz Abu
Bakr (Ra) Ke Paas Aati Hain Aap Naani Ko Hissa
Dilwaate Hain Aur Is Par Hz Abdurrahman Bin
Sahal Ansari (Ra) Ne Inkaar Kiya,

Aapne Apne Is Faisle Ko Todh Diya Aur Nani
Wa Daadi Dono Me Us Hisse Ko Taqseem Kiya

( Taareekh Khulefa 99)

Agar Unki Taqleed Waajib Ya Zaroori Thi Toh
Phir Sahaba (Ra) Unke Faisle Ke Khilaaf Kyun
Aawaaz Uthaate Hain ??

Aur Khud Khaleefa Unki Kyun Maan Lete Hain
Aur Apne Faisle Ko Kyun Todhte Hain ??

6- Bayheqi Me Hai Ki Aapne Farmaya

“Hamen Itteba Ke Liye Sirf Quran Wa Hadith
Kaafi Hai”

Pas Unki Taqleed Bhi Yahi Hui Ki Quran Wa
Hadith Ko Kaafi Maana Jaaye Aur Kisi Ki Raaye
O Qayaas Ko Sharah Me Motbar Na Samjha
Jaaye..

7- Hz Abi Bakr (Ra) Se Marwi Hai Ke

“Mujhe Kaun Sa Aasmaan Apna Saaya Dega
Aur Kaun si Zameen Mujhe Apne Ooper
Uthaaye Agar Main QURAAN ki Kisi Ayaat Ki
Tafseer Apni Taraf Se Karun “

(Taareekh Khulefa 94, Alaam ul Moqeen Jild 1
Page 91)

Maaloom Hua Ki Aayat Ki Tafseer Ka
Mansab’dar Bhi Wah Apne Aapko Nahin
Jaante They, Phir Unhe Sharai Ahkaam KE Ajza
Ka Mansab De Kar Dusron Ko Unki Taqleed Ka
Huqm Dena Kya Khud Khaleefa Ki Mansha Ke
Khilaaf Nahin ??

8- Hz Umar (Ra) Se Unki Khilaafat Ke Zamaane
Me Ek Masla Par Hz Usman (Ra) Is Qadr Jhagde
Ke Log Samjhne Lage Ke Ab Unme Milaap
Mushkil Hai Agar Unki Taqleed Zaroori Thi Toh
Jhagda Kaisa ??

9- Agar Unki Taqleed Zaroori Hoti Toh Tamam
Sahaba Ko Chahiye Tha Ke Har Har masle Hz
Abu Bakr (Ra) Se Hi Unki Khilaafat Ke Zamaane
Me Daryaaft Farmaate Aur Isi Tarah Khlaafat
Saaniyah Me Khaleefa Saani (Ra) Se Hi Daryaaft
Farmate,

Lekin Aisa Nahin Hua, Balke Jis Sahabi Ko Jo
Masla Dar’pesh Aata Jis Se Mauqa Padta Pooch
Leta,

Balke Khud Khaleefa Bhi Aisa Hi Karte,

Chunanche 3 Baar Ki Ijaazat Talbi Ke Baad Ki
Waapsi Ka Masla Khud Hz Umar (Ra) Ne Dusre
Sahaba (Ra) Se Poocha

( Alam Ul Moqeen Arabic Page 249, Urdu 507,
Tirmizi Jild 2 Page 30, Abu Dawood 401
Kitabul Faraiz)

Daadi Ke Warse Ka Masla Khud Siddeeq E
Akbar (Ra) Ne Dusre Sahaba Kiram (Ra) Se
Poocha…

To Be Contunued….

 

MURDE ZINDA HAIN AUR BOLTE BHI HAIN AUR AQAID JAMAT E TABLEEGH: (part-1)


Bismillahirrah manirraheem

Assalamualaikum Warahmatullahi Wabarkatahu

MURDE ZINDA HAIN AUR BOLTE BHI HAIN AUR AQAID JAMAT E TABLEEGH: (part-1)

MURDAH MAGAR ZINDA:

Sheikh Abu Yaqoob Sahab Ke Mureed Toh
Qabr Me Dafan Hone Ke Waqt Aankhen Kholte
hain,

Ek Buzurg Ke Mureed Takhta Ghusl Par Hi
Pakadne Aur Chhodne Lag Gaye..

Maulana Zikriya Sahab Likhte Hain Ke

“Ek Buzurg Kahte Hain Ke Maine Ek Mureed Ko
Ghusl Diya Usne mera Angootha Pakad Liya,
Maine Kaha Ke Mera Angootha Chhod De
Mujhe Malum Hai Ke Tu Mara Nahin”

(Fazail E Sadaqaat Page 258, Maut Ki Yaad
Page 46)

Lagta Hai Us Mureed Me Sharm Wa Haya Ka
Maadah Tha, Isliye Angootha Pakad Liya Ke Ye
Tum Kya Kar Rahe Ho Lekin Malum Nahin Fir
Khud Kyon Na Nahaayen Aur Nahlaane Waala
Ko Zad’kob Karne Ki Bajaaye Uska Pakda Hua
Angootha Tak Chhod Diya,

Iss Bayan Me Jhoot Moot Marne Waale Ko Ye
Bayan Daaghne Ki Bhi Zaroorat Mahsoos Na
Hui Ke Main Zinda Hoon Balke Nahlaane Waale
Ne Khud Batlaa Diya Ke Mujhe Malum Hai Ke Tu
Mara Nahin,

Koi Unse Us Waqt Ye Poochne Waala Na Tha
Ke Phir Usko Nahla Kyon Rahe Ho,

Aur Fir
Khud Hi Muntaqal Kyon Nahin Ho Jaate, Kya
Chalne Firne Ki Taaqat Nahin Sirf Angootha
Pakadne Ki Hi Saqat Hai ??

Aur Fir Ek Jagah Se Dusri Jagah Par Muntaqal
Hone Ki Zaroorat Pesh Kyon Aayi Aur Itne Din
Qaid Khaane Me (Duniya Momin Ke Liye Qaid
Khana Hai) Kyon Muqeed Rahe,

Koi Hai Tableeghi Jamat Ka Aalim Jo Is Ghutti
Ko Suljhaaye

Ye Toh Buzurgon Ke Mureedon Ka Haal Tha,

Ab Buzurgon Ke Waalidain Ka Tazkirah Bhi
Sun Lein,

Maulana Zikriya Sb Likhte Hain

“Sheikh Abdul Jala Mashoor Buzurg They, Wah
Farmate Hain Ke Jab Mere Waalid Ka Inteqaal
Hua Aur Unko Nahlaane Ke Liye Takhta Par
Rakha Toh Wah Hansne Lage, Nahlaane Waale
Chhod Kar Chal Diye Kisi Ko Himmat Unko
Nahlaane Ki Na Padti Thi Ek Buzurg Aage Aaye
Unhone Ghusl Diya”

(Maut Ki Yaad Page 46, Fazail E Sadaqat Page
458)

Malum Nahin Ye Inteqaal Naami Kya Cheez Hai,

Mureed Ne Toh Angootha Pakad Kar Shayad
Nahlaane Se Mana Kiya, Lekin Buzurg Ke
Waalid Toh Takhta Ghusl Par Pahunchte Hi
Hansna Shuru Ho Gaye,

Ye Maqaam Hansne Ka Nahin Rone Ka Tha Ke
Ab Log Satar’poshi Ke Bajaaye Satar Khol
Denge, Hansne Ki Wajah Malum Na Ho Saki,

Shayad Is Liye Hans Rahe Honge Ke Nahlane
Waale Kitne Be’waqoof Hain Ke Main Zinda
Hoon Aur Ye Mujhe Murda Samjh Kar Nahla
Rahe Hain, Fir Toh Un Buzurg Ke Walid Aankh
Maar Kar Ghar Waalon Ke Rone Peetne Ko
Band Karwa Dete Ke Khamosh Raho Main Toh
Drama Racha Raha Hoon, Sirf Logon Ko
Daraana Maqsood Hai Aur Wah Mil Gaya,

Ye
Log Toh Darr Kar Chale Gaye, Toh Dusre
Buzurg Aa Gaye Ab Unse Kyon Nahaaeye,

Shayad Langotiye Yaar Honge Bachpane Ke,
Unse Satar’poshi Kaisi,
Agar Is Qism Ki Khuraafaat Padhte Padhte
Chid’chidhapan Paida Nahin Ho Gaya Toh Zara
Ye Waaqeya Bhi Padh Lijiye,

Maulana Zikriya Sb Likhte Hain

” Abu Saeed Khazar Kahte Hain Ke Main Ek
Martaba Makka Mukarrama Me Tha, Baab Bani
Shayba Se Nikal Raha Tha, Darwaaza Se
Baaher Maine Ek Nihaayat Khoobsoorat Aadmi
Ko Mare Hue Pada Dekha, Main jo Usko Ghaur
Se Dekhne Laga Toh Wah Meri Taraf Dekh Kar
Hansne Laga, Aur Kahne Laga Abu Saeed
Tumhe Malum Nahin Ke (Muhabbat Wale) Dost
Mara Nahin Karte, Ek Aalam Se Dusre Aalam Me
Muntaqal Ho Jaate Hain”

(Fazail E Sadaqaat Page 229)

To Be Continued….

MUREED KA EK HAIRAT’ANGEZ WAAQEYA AUR AQAID TABLEEGH JAMAAT : (PART-2)


Bismillahirrah manirraheem

MUREED KA EK HAIRAT’ANGEZ WAAQEYA AUR
AQAID TABLEEGH JAMAAT : (PART-2)

MURDE KI WAJHAT:

Maulana Zikriya Sb Likhte Hain

“Abu Ala Rozbaari Kahte Hain Ke Ek Faqeer
Mere Paas Eid Ke Din Bahut Khasta’haal
Puraane Kapde Pahne Aaya, Kahne Laga
Yahan Koi Paak Saaf Jagah Aisi Hai Jahan
Ghareeb Marr Jaaye, Maine La’parwaahi Se
Laghu Samjhkar Kah Diya Ke Andar Aa Ja Aur
Jahan Chaahe Padke Marr Ja, Wah Andar Aaya
Aur Wuzu Ki Chand Rakat Namaz Padhi Aur Let
Kar Marr Gaya, Maine Uski Taqfeen Ki Aur Jab
Dafan Karne Laga Toh Khayaal Aaya Ke Uske
Muh Se Kafan Hataakar Uska Muh Zameen Par
Rakh Doon, Taake Haq Taala Shaana Uski
Ghurbat Par Raham Farmaaye, Maine Uska
Muh Khola, Usne Aankhen Khol Di , Maine
Poocha Mere Sardaar Kya Maut Ke Baad Bhi
Zindagi Hai, Kahne Laga Main Zinda Hoon Aur
Allah Tala Ka Har Aashiq Zinda Hota Hai Main
Kal Qayamat Me Apni Wajahiyat Se Teri Madad
Karunga”

(Fazail E Sadaqat Page 227, Maut Ki Yaad 52)

Dekh Liya Aapne Kaise Soche Samjhe
Mansoobe Ke Tahat Marte Hain ,

Pahle Jagah
Poochte Hain Ke Ye Jagah Paak Hai Aur Fir
Namaz Padhte Hain, Isi Tarah Maut Ke
Muqarrar Waqt Jise Quraan Kahta Hai

“AjlMusamma” Kahta Hai Is Ke Ilm Ke Saath Saath
Sar’zameen Maut Ka Bhi Ilm Ho Gaya,

Jiska
Rabb Makhlooq Ke Liye Nafi Kar Raha Hai

“Ke Koi Shakhs Bhi Ye Nahin Jaanta Ke Wah Kis
Zar’zameen Par Marega”

(Quran)

Aur Jab Dafan Karte Waqt Uska Muh Khola
Usne Aankhen Khol Di,

Hairat Zadah Hokar Jab Unhone Us Zindagi Ka
Poocha Toh Farma Diya Ke Sirf Main Hi Nahin
Allah Ka Har Ashiq Zinda Hota Hai ;

Kahan Gayi Rabb Ki Ye Aayat

” Ke Har Nafs Ko Maut Ka Zaayeqa Chakhna
Hai”

Is Aayat Ka Kya Kiya Jaaye Jisme Allah Ne Ye
Farmaya Hai

“Har Cheez Halaaq Hone Waali Hai Siwaaye
Allah Ki Zaat Ke”

Is Aayat Ki Kya Taweel Ki Jaayegi Jisme Ye
Ishaara Hua

” Aiy Nabi (Sws) ! Hamne Aap (Sws) Se Pahle
Kisi Bashar Ko Hamesha Hamesh Zinda Nahin
Rakha Agar Aapko Maut Aayi Toh Kya Ye
Hamesha Zinda Rahenge”

Agar Quraan Ki Koi Ye Taaweel Kare Ke Isme
Se Aashiq Bhi Mushtashna Hain, Toh Hamen
Ye Tasleem Karna Padega Ke Nabi (Sws) Un
Aashiqeen Ki List Me Nahin Aate Ke Jo Zinda
Rahte Hain,

Kyonki Allah Khaas Kar Muhammad (Sws) Ke
Baare Me Hi Farmata Hai

” Aiy Nabi (Sws) ! Aap Bhi Faut Hone Waale
Hain Aur Ye Bhi”

Aur Ek Jagah Yun Farmaya

” Muhammad (Sws) ! Toh Rasool Hi Hain Unse
Pahle Bhi Rasool Ghuzre Agar Ye Marr Jayen
Ya Shaheed Kar Diye Jaayen”

Yahan Toh Jab Mureed Buzurg Ka Angootha
Pakadta Hai Toh Buzurg Ye Kah Kar Chhuda
Leta Hai Ke Mujhe Malum Hai Ke Tu Zinda Hai,

Lekin Wahan Nabi Sallalaho Alaihi Wasallam Ke
Baar Qaaynaat Me Sabse Afzal Apne Peer O
Murshid Ke Baare Me Ye Elaan Kar Raha Hai

“Beshaq Nabi Sallalaho Alaihi Wasallam Wafaat
Pa Chuke hain”

Yahan Toh Marne Waale Kabhi Bol Padhte
Hain, Kabhi Hans Padhte Hain Aur Kabhi
Angoothe Pakad Lete Hain, Aur Kabhi Aankhe
Khol Dete Hain,

Lekin Wahan Toh Imam Ul Ambiya NE ek Dafa
Bhi Na Bol Kar Na Aankhen Kholkar Na Hans
Kar, Aur Na Hz Fatima (Ra) Ke Sar Par Haath
Fer’kar Unhen Dilaasa Diya Jabki Unki Zabaan
Ye Kalimaat Ada Kar Rahi Thi

“Aiy Abba”

Hz Fatima (Ra) 6 Mahine Tak Zinda Rahin Lekin
Kisi Ne Unko Muskuraate Tak Na Dekha,

Jis Waaqeye Ne Unke Chehron Se Muskuraahat
Tak Chheen Li, Lekin Unko Ye Aqeedah
Maloom Nahin Ho Saka Ke

“Allah Ka Har Aashiq Zinda Hota Hai”

Taajjub Hai !!

Barelwi Toh Hayatun Nabi Aur Awliya Ki
Hayaat Ke QaYel Hone Ki Wajah Se Mushrik Aur
Ye Har Aashiq Ke Qayel Hon Toh Muwahhid,

Aur Taajjub Us Faqeer Par Bhi Hai Ke Kaise
Dhadalle Se Ye Baat Kahta Hai Ke Main Kal
Qayamat Ke Din Apni Wajahiyat Se Teri Madad
Karunga,

Jis Din Ambiya Allah Ke Saamne Sifaarish Ke
Liye Na Ja Sakenge, Nafsa Nafsi Ka Aalam
Hoga,

Us Din Ye Faqeer Apni Wajahiyat Se Madad
Karega Jabke Allah Ka Ye Elaan Ho Raha Hoga

“Aaj Kis Ki Baadshaahi Hai, Allah Waahid
Kah’har Ki Baadshahi Hai”

Ye Faqeer Toh Madad Karega Aur Allah Ye
Kahta Hai

“Allah Ki Ijaazat Ke Beghair Kaun Hai Jo
Sifaarish Kare”

Ye Hazrat Toh Madad Karenge Aur Rabb Ye
Kahta Hai Ke Koi Bolne Ki Zurraat Na Karega,

Allah Taala Ka Farman Hai

“Jis Din Farishte Aur Jibreel Saf Baandhe
Khade Honge Koi Baat Nahin Kar Sakega
Magar Jisko Rabb Ijaazat De Aur Wah Baat Bhi
Sahih Karega”

To Be Continued…..

MUTASSIB MUQALLID AMEEN PKARWI KA JHOOT


Master Ameen Safdar Okarwi Deobandi Ka Mutaassib Muqallidon Ke Nazdeek Bada Maqaam Hai, Wah Unke Mashoor Munaazir
Aur Waqeel They,

Chunke Ab Bhi Aksar Mutasib Muqallidon Ke Mubaahis Ka Daromadaar Unhi Ki Ibaaraton
Par Hai, Isliye Okarwi Sahab Ke Kuch Jhoot Pesh E Khidmat Hain Taake Awaam Wa Khwaas Par Haqeeqat E Haal Munqashaf Ho
Sake ,

OKARWI JHOOT NO. 1

Ameen Okarwi Ne Kaha

“Iska Raawi Ahmad Bin Saeed Daarimi Mujsimah Firqah Ka Bid’ati Hai”

(Masoodi Firqah Ke Aitraazaat Ke Jawabaat Page 41-42, Tajalliyaat E Safdar Taba Jamiatul Ishaat Ul Uloom Hanfiyah 1/348, 349)

TABSIRAH

Imam Ahmad Bin Saeed Darimi (Rh) Ke haalaat “Tahzeeb Ul Tahzeeb 1/31-32″ Me Mazkoor
Hain,

Wah Sahih Bukhari Wa Sahih Muslim Wagerah Ke Raawi Aur Bala Ittefaq Siqa Hain

Imam Ahmad Bin Hambal Ne Unki Taareef Ki

Hafiz Ibn Hajar Askalani Ne Kaha

“Siqah Haafiz”

(Taqreeb Ul Tahzeeb 39)

Un Par Kisi Muhaddis, Imam ; Ya Aalim Ne
Mujsima Firqe Me Se Hone Ka Ilzaam Nahin
Lagaya..

OKARWI JHOOT NO. 2

Okarwi Ne Kaha

Rasool Akram (Sws) Ne Farmaya:-”Khutb a Ke Beghair Jumah Nahin Hota”

(Majmua Rasail 2/169 Taba June 1993)

TABSIRAH:

In Alfaaz Ke Saath Ye Hadith Rasool Akram (Sws) Se Qattan Saabit Nahin Hai,

Malikion Ki Ghair Mustanad Kitab “Madona” Me Ibn Shahab (Zohri) Se Mansoob Ek Qol Likha Hua Hai

“Mujhe Pata Chala Hai Ke Khutbe ke Beghair Jumah Nahin Hai Pas Jo Khutba Na De Toh Juhar Ki 4 Rakatein Padh Le”

(1/147)

Is Ghair Saabit Qol Ko Okarwi Sahab Ne Rasool
Akram (Sws) Se Sarahatan Mansoob Kar Diya..

OKARWI JHOOT NO. 3

okarwi Ne Kaha

“Biraadraan E Islam, Allah Taala Ne Jis Tarah Kaafiron Ke Muqaable Me Hamara Naam muslim Rakha, Isi Tarah Ahle Hadith Ke Muqaable Me Hz Muhammad (Sws) Ne Hamara
Naam Ahle Sunnah Wal Jamaat Rakha”

(Majmua Rasail Page 36 Taba November
1995)

TABSIRAH:

Kisi Ek Hadith Me bhi Rasool Akram (Sws) Ne Ahle Hadith Ke Muqaable Me Deobandion Ka
Naam Ahle Sunnat Wal Jamaat Nahin Rakha,

Ye Baat aam Ulema E Haq Ko Malum Hai Ke Deobandi Hazraat Ahle Sunnat Wal Jamaat
Nahin Hain Balke Nire Soofi, Wahdat Ul Wajoodi Aur Ghaali Muqallid Hain,

OKARWI JHOOT NO.4

Okarwi Ne Sihah Sitta Ke Markazi Raawi Ibn Jareej Ke Baare Me Kaha

“Ye Bhi Yaad Rahe Ke Ibn Jareej Wahi Shakhs Hai Jinhone Makkah Me Mutah Ka Aaghaaz Kiya Aur 90 Aurton Se Mutah Kiya”

(Majmua Rasail 4/164)

TABSIRAH:

tazkiratul Huffaz Lil Zahbi (1/169-171) Me Ibn Jareej Ke Haalaat Mazkoor Hain Magar “Mutah
Ka Aaghaaz” Ka Koi Zikr Nahin Hai,

Ye Khaalis Okarwi Jhoot hai,

Rahi Ye Baat Ke Ibn Jareej Ne 90 Aurton Se
Mutah kiya Tha Ba’hawala Tazkiratul Huffaz (Page 170-171) Ye Baat Saabit Nahin Hai,
Kyonki Imam Zahbi Ne Ibn Abdul Hakam tak Koi Sanad Bayaan Nahin Ki,

Sarfaraz Khan Safdar Likhte hain

“Aur Be’sanad Baat Hujjat Nahin Ho Sakti”

(Ahsanul Kalam 1/327)

Mutah Se Imam Ibn Jareej Ke Ruju Ke Liye Dekhiye Musnad Ibn Awaana

(2/279 H : 3313)

OKARWI JHOOT NO. 5

Ek Mardood Riwayat Ke Baare Me Okarwi Sahab Likhte Hain

“Magar Taaham Tahtaawi 1/160 Par Tasreeh Hai Ke Mukhtaar Ne Ye Hadith Ba’zaat E Khud
Hz Ali (Ra) Se Suni.”

(Juzz Ul Qirat Lil Bukhari,Takhriqaat Okarwi
pAge 58)

TABSIRAH:

Ma’aani Al Athar Lil Tahtawi

(Beeruti Nuskha 1/219, Nuskha H.M Saeed Company, Adeeb
Manzil Pakistan Chauk Karachi 1/150)

Me Likha Hua Hai

“an Al Mukhtar Bin Abdullah Bin Abi Yayla
Qaal : Qaal Ali Razi’allahu Tala Anhu”

Ye Baat Aam Taalib Ilmon Ko Bhi Malum Hai Ke ‘Qaal Aur Sama’at Me Bada Farq Hai Qaal (Usne Kaha) Ka Lafz Tashreeh Sama Ki
Laazimi Daleel Nahin Hota,

Juzz Ul Qirat Ki Ek Riwayat Me Imam Bukhari Farmate Hain

“Qaal Lana Abu Naeem”
(H : 48)

Is Par Tabsirah Karte Hue Okarwi Farmate Hain

“Is Sanad Me Na Bukhari Ka Sama Abu Naeem Se Hai Aur Na Ibn Abu Hasana Bhi Ghair Maaroof Hai”

(Juzz Ul Qirat, Mutazam 64)

OKARWI JHOOT NO. 6

Okarwi Ne Kaha
Aur Dusra Sahih Sanad Qaol Hai Ke Aap (Sws) Ne Farmaya:-”Ke Imam Ke Peeche Koi shakhs Qira’at Na Kare”

(Ibn Abi Shayba 1/376) (Juzz Ul Qirat Tarjuma Wa Tashreeh Ameen Okarwi Page 63 Tahat H : 47)

TABSIRAH :

un Alfaaz Ke Saath Musannif Ibn Abi Shayba
Me Aap (Sws) Ki Koi Hadith Maujood nahin Hai,

Balke Ye Sayyidena Jabir (Ra) Ka Qol Hai Jise
Okarwi Sahab Ne Marfu Hadith Bana Liya Hai,

OKARWI JHOOT NO.7

Okarwi NE Kaha

Hz Umar (Ra) Ne Nafe Aur Anas Bin Sureen Ko Farmaya:-”Tujhe Imam Ki Qirat Kaafi Hai”

(Juz Ul Qirat Okarwi Page 66 H : 51)

TABSIRAH:

Anas Bin Sureen (Rh) 33 Hijri Ya 34 Hijri Me
Paida hue

(Tahzeeb Ul Tahzeeb 1/374)

Aur Hz Umar (Ra) 23 Hujri me Shaheed Hue

(Taqreeb Ut Tahzeeb 4888)

Nafe Ne Hz Umar (Ra) Ko Nahin Paaya

(Ithaaful Maher Lil Hafiz Ibn Hajar 12/384 h : 15810)

Malum Hua Ke Anas Bin Sureen Aur Nafe Dono,Hz Umar (Ra) Ke Daur Me Nahin They,Toh “Ko Farmaya” Safed Jhoot h

MUTAASSIB MUQALLID AMEEN OKARWI KE SAWAALON KE JAWAB: (PART-1)


.Bismillahirrahmanirraheem

 

MUTAASSIB MUQALLID AMEEN OKARWI KE SAWAALON KE JAWAB: (PART-1)

 

Okarwi Sahab Din Raat, Ahle Hadith Ko Ghair Muqallideen Kah kar Khoob Mazaaq Udaaya Karte Aur Ahle haq, Ahle Sunnah Wal Jamaat Se Khaarij Qaraar Dete They, Jabke Iske Saraasar Bar’ask Mufti Kifaayatullah Dehlawi Deobandi (1952 CE) Farmate hain

” Haan ! Ahle Hadith Musalman Hain Aur Ahle Sunnat Wal Jamaat Me Daakhil hain, Unse Shadi Byaah Ka Maamla Karna Durust Hai, Mahaz Tark E Taqleed Se Islam Me Farq Nahin Padhta Aur Na Ahle Sunnat Wal Jamaat Se Taarak Alag Hota Hai”

(Kifayatul Mufti 1/325 jawab No. 370)

Ameen Okarwi Ki jamaat ! Mufti Kifayatullah Dehlawi Sahab Taarak E Taqleed Waale Ahle Hadith Ko Ahle Sunnat Wal Jamaat Me Daakhil Samjhna Sahih Hai Ya Ghalat ?? Jawab Den

Agar Sahih Hai Toh Okarwi Sahab Par Kya Fatawa Lagega Jo Ke Ahle Hadith Ko Ahle Sunnat Nahin Samjhte They??

Ahle Hadith aur Salafi Ul Aqeeda Ulema Wa Awaam Ke Khilaaf Okarwi Party Ka Saara propaganda In Qismon Par Bana Hua Tha

1- Ikhtelaafi Masail, Maslan Fatiha Khalf Ul Imam, Rafulyadain , Aur Ameen Bil Jaher Wagerah

2- Sawaalaat Karna Maslan, Kya Bhains Halal Hai ??

3- Taan O Tashnee, Kazzab Aftara, Aur Bohtaan Taraazi, Maslan “Ghair Muqallid” Wa “Lamazahab” Wagerah Kahkar Mazaaq Udaana Aur Ye Daawa karna Ke Ahle Hadith Ka Wajood Angrezon ke Daur Se Hai,

4- Maulana Wahiduzzaman Wagerah Ke Hawaale Ahle Hadith Par Pesh Karna

Ab In Qismon Ka Mukhtasar Taaruf Pesh e Khidmat Hai

1- IKHTELAAFI MASAIL MASLAN FATIHA KHALF UL IMAM, RAFULYADAIN AUR AMEEN BIL JAHER WAGERAH:

Arz Hai Ke Ahle Hadith Aur Aale e Deoband Ke Darmiyaan Asal Ikhtelaf Ye Ikhtelaafi Masail Nahin Hain Balke Ikhtelaaf Ki Buniyaadi Wajah Aqaid Wa Usool Hain Jin Mese Baaz Ka Tazkirah Isi Mazmoon Me Ya Aainda Mazmoon Me Aayega In sha allah,

In Furui Ikhtelaafi Masail Me Aal E Deoband Ka Ahle Hadith se Bahes Wa Munaazirah Karna Sirre se Mardood Hai,

1 DALEEL:

Ahle Hadith Ke ye Tamam Masail Hadith Sahiha, Asaar E Sahaba, Asaar E Tabain Aur Aimma Kiram Se Sabit Hain, Maslan Fatiha Khalf Ul Imam Sahih Hadith Se Saabit Hai,

Dekhiye Kitab Qirat’lil Bayheqi Page 64 Hadith 121 Sanad hasan, Waqaal Bayheqi Rh

Sayyedena Hz Abu Hurairah (Ra) Farmate Hain Ke:-” Jab imam Surah Fatiha Padhe Toh Tu Bhi Use Padh Aur Imam Se Pahle Use Khatm Kar le”

(Juzz Ul Qirat’lil Bukhari H: 283 Sanad Sahih, Athar Us Sunan 358 ; sanad Hasan)

Hasan Basri (Tabain) Ne Farmaya

“Imam Ke Peeche har Namaz Me Surah Fatiha Apne Dil me (Sirran) Padh”

(Kitab Ul Qirat Page 105 H: 242, Sunan Kubra 2/171 Sanad Sahih )

Imam Ozzai Rh (Faqeeh Mashoor Aur imam Ahle Shaam) Ne Farmaya

” Imam Par Ye Haq Hai Ke Wah Namaz Shuru Karte Waqt Takbeer E Oola Ke Baad Saktah Kare Aur Surah Fatiha Ki Qirat Ke Baad Ek Saktah Kare Take Uske Peeche Namaz Padhne Waale Surah Fatiha Padh Len Aur Agar Ye Mumkin Na Ho Toh Wah (muqtadi) usi ke Saath Surah Fatiha Padhe Aur Jaldi Padhkar Khatm Kar Le Fir Kaan Lagaakar Sune”

(Kitab Ul Qirat Lil bayheqi Page 106 H : 247, Wa Sanad Sahih)

Imam Shafai Rh (Faqeeh Mashoor) Farmate hain

“Kisi Aadmi Ki Namaz Jayez Nahin Hai Jab Tak Ke Wah Har Rakat me Surah Fatiha Na Padh le, Chaahe Wo Imam Ho Ya Muqtadi, Imam Jahri Qirat Kar Raha Ho Ya Sirri, Muqtadi Par Ye Laazim Hai Ke Sirri Aur Jahri (Dono Namazon) Me Surah Fatiha Padhe”

(Muariful Sunan Wa Aasaar Lil Bayheqi Jild 2 Page 58, H : 928 Wa sanad Sahih )

Is Qol Ke Raawi Rabi’e Bin Suleman Ne Kaha

“Ye Imam Shafai rh Ka Aakhiri Qaul Hai Jo Unse Suna Gaya”

(Muarifatul Sunan wa Aasaar 2/58 wa sanad sahih)

Is Aakhiri Qol Ke Muqaable Me Kitab Ul Aalaam Wagerah Ke kisi Qol ka Koi Aitbaar Nahin Hai Balke Ise Is Sareeh Nas Ki wajah Se Mansookh Samjha Jaayega,

Lihaaza Okarwi Party Ka In Ikhtelafi masail Me Ahle Hadith Par Hamle Karna Aur Taan O Tashnee Karna Kya Maane Rakhta Hai ??

2 DALEEL:

okarwi Party Wa Aam Muqallideen Ka Ye Aqeeda Hai Ke 4ro Mazaahib ( Hanafi, shafai, Maliki wa Hambali) Barhaq Hain,

Jin Ikhtelaafi Masail Ki Wajah Se Ye log Ahle Hadith Par Aitrazaat Karte Hain, Ye Tamam Masail Shafaiyon Aur Hambaliyon Ya Malikion Se Saabit Hain Alhamdulillah,

Maslan Shafaiyaah Masbook Ki Takhsees Ke Saath Fatiha Khalf Ul Imam Ki Farziyat Ke Qayel hain

(Dekhiye Kitab Fiqah Alil Mazahib Al Arba 1/229)

Shafai Hazraat Rafulyadain Ke Qayel Hain

(Dekhiye Abdurrahman Al Jazairi Ki Fiqahul Mazaahib Lil Arba 1/250)

Shafaiyyah Wa HaMbalion Me Ye Ittefaq Hai Ke Sirri Namaz Me Sirri Aameen Aur Jahri Namaz Me Jahri Aameen Kahna Chahiye

(Dekhiye FiqahUl Mazaahib Lil Arba 1/250)

Yahi Haal dusre Masail Ka Hai, Iske Ba’wajood Aal E Deoband Apne Awaam Ko Ye Kahkar Dhoka Dete Hain Ke

“Ye Ghair Muqallideen Ka Maslak Hai Aur ye Ghair Muqallideen Ka Mazhab Hai”

Insaaf Ka Taqaaza Ye Hai Ke Jis Baat Ko Wah Haq Samjhte Hain Us Par Bilkul Aitraaz Na Karen…

2- SAWAALAAT KARNA , MASLAN KYA BHAINS HALAL HAI ??

Maslan Dekhiye Ameen okarwi Ka Risaala “Ghair Muqallideen Se 2 Sawalaat Page 37 se 163″ aur Majmua Rasail 1/405 Taba October 1991

Is Qism Ke Sawaalaat Se Okarwi Party Ka Ye Maqsad Hota Hai Ke

Quran Wa Hadith Ghair Muqammal Hai !!

Aur Ise Deobandi Ulema Ne Muqammal Kiya Hai (Naozubillah)

Is Par (Tamam Musalmano) Ka Ijma Hai ke Bhains Gaaye ke Huqm Me Hai

(Al Jama’a Bin Munzir Page 91)

Ummat Ke Is Ijma Ke Khilaaf Okarwi Aitraazaat Ki Kya Haisiyat Baqi Rah Jaati Hai ??

Okarwi Party Waale Mukhtalif Baatil Sharton Ke Saath Sawaalaat Gadh Kar Ahle Hadith Se Jawabaat Poochte Rahte Hain,

Ameen Okarwi Sahab Ba’zaat E Khud Farmate Hain

“Muddai Se Khaas Daleel Ka Mutaalbah Karna Ke Ye Khaas Quraan Se Dikhaao Ya Khaas Abu Bakr Wa Umar Farookh (Ra) Ki Hadith Dikhaao Ya Khaas Falan Falan Kitab se Dikhaao Ye Mahaz Dhoka Aur Fareb Hai”

(Majmua Rasail 1/197, Tahqeeq Masla Rafulyadain Page 21)

Okarwi Sahab Apne Ek “Hazrat” Se Naqal Krte Hain Ke

“Farmaya Muddai Se Bhi Daleel Ka Mutaalba Toh Kiya Ja Sakta Hai Magar Daleel khaas Ka Mutaalba Jayez Nahin Hota, Ye Toh Kaafiron Ka Tareeqa Tha”

(Majmua Rasail 4/120 Matbua November 1995, Majmoon Main Hanafi Kaise Bana ?)

Okarwi Sahab Ki In Ibaarton Ko maddeNazar Rakhte Hue Ab Dil Thaam Kar Unka Ahle Hadith Se Pahla Sawaal Sune

“Kya Quraan Paak Me Namaz Padhne Ka muqammal Tareeqa Bil’tarteeb Wa Ba’tafseel Maujood hai ??”

(Majmua Rasail 1/373, Ghair Muqallideen Se 2 Sawalaat Page 5, sawal No 1)

Ab Agar Koi Ahle Hadith Quran Majeed Se Namaz Ka Muqammal Tareeqa Bil’tarteeb Wa Ba’tafseel Nahin Kar Sakega Toh Okarwi Party Ki Fatah Ho Jaayegi,

Fir Naare Buland Honge Ke Naare Takbeer,

Okarwi Sahab Zindabad !!

Halanke Okarwi Sahab Ba’zaat E Khud Is Qism Ke Sawaalaat Ko “Kaafiron Ka Tareeqa” Qaraar De Chuke Hain,

3- TAAN O TASHNEE, KAZZAB WA AFTARA AUR BOHTAN TARAAZI MASLAN “GHAIR MUQALLID” WA ” LAMAZHAB” WAGERAH KAHKAR MAZAAQ UDAANA AUR YE DAAWA KARNA KE AHLE HADITH KA WAJOOD ANGREZON KE DAUR SE HAI:

Taan O Tashnee, Kazzab Wa Aftara Aur Bohtan Taraazi ka Toh Okarwi Party Wa Mutaasib Muqallidon Ko Marne Ke Baad Hisaab Dena Padega… In sha allah

Muqalliddeen Ke Hakeem Ul Ummat “Ashraf Ali Thanwi” Sahab Farmate Hain

“Kyunki Imam E Azam Abu haneefa Ka Ghair Muqallid Hona Yaqeeni Hai”

( Majalis Hakeem Ul Ummat Page 345)

Aimma Arba Ke Baare me Tahtaawi Hanafi Farmate Hain

“Aur Wah Ghair Muqallideen They”

(Hashiya Al Tahtawi Raddul Mukhtar 1/51)

Maalum Hua Sahih Ul Aqeeda Musalmano Ko “Ghair Muqallid ” Kahkar Mazaaq Udaane Waale Dar’asal Imam Abu Hanefa Rh Par Hamla Karte Hain Kyonke Imam Sahab Unke Nazdeek Bhi Ghair muqallid They

Muhammad Ameen Ibn Aabideen Shaami Ne Likha Hai

“Unhone Kaha Hai Ke Aami (Jaahil) Ka Koi Mazhab Nahin Hota Balke Uska Wahi Mazhab Hota Hai Jo Uske Mufti Ka Mazhab hota Hai”

(raddul Mukhtar Fi Durre Mukhtar 3/209 Matbua Mktaba Rasheediyah Quetta Baluchistan)

Ibn Aabideen Ki Is Ibaarat Se Maalum Hua Ke Tamam mutaasib Muqallideen La’mazhab Hain,

Ye Kahna Ke ” Ahle Hadith Ka Wajood Angrezon Ke Daur Se Hai”.. Bahut Bada Jhoot Hai, Iski Tardeed Ke Liye Yahi Kaafi hai Ke Mufti Rasheed Ahmad Ludhiyaanwi Deobandi Likhte Hain

” Taqreeban 2ri, 3ri Sadi Hijri Me Ahle Haq Me Furui Aur Juzzi Masail Hal Karne Me Ikhtelaafe Inzaar Ke Peshe Nazar 5 Makatib e Fikr Qayem Ho Gaye, Yani Mazahib E Arba Aur Ahle Hadith, Usi Zamaane Se Lekar Aaj Tak Unhi 5 Tareeqon Me Haq Ko Munhasar Samjha Jaata Raha “

(Ahsanul Fatawa 1/316)

Is Deobandi Ibaarat Se Malum Hua Ke Ahle Hadith Ka Wajood 101 Hijri Ya 201 Hijri Se Ru e Zameen Par Hai…. Alhamdulillah..

Dusri Taraf Khud Deobandion ka Wajood 1867 CE , Angrezi Daur Me Madarsa Deoband Ka Aaghaaz Se Hai, Jiski Buniyaad Muhammad Qasim Nanotvi Sahab Ke Zariye Se Rakhi Gayi, Jo Log Ba’zaat E Khud Angrezi Daur Ki Paidawaar Hain Wah Ab Ahle Hadith Ke Khilaaf Propaganda Kar Rahen Hain,

4- MAULANA WAHIDUZZAMAN WA MATROOKEEN KE HAWAALE SE AHLE HADITH KE KHILAAF PESH KARNA:

Maine Matrookeen Is Wajah Se Likha Hai Ke Ameen Okarwi Sahab Farmate Hain

” Kyunki Nawab Siddeeq Hasan Khan, Miyan Nazeer Hussain, Nawab Wahiduzzaman , Meer Noorul Hasan, Molwi Muhammad Hussain Aur Molwi Sanaullah Amritsari Wagerah Ne Jo Kitaabein Likhi Hain, Agarche Wah Ye Kahte hain Ke Hamne Quran Wa Hadith Ke Masail Likhe Hain Lekin ghair Muqallideen Ke Tamam Firqon Ke Ulema Aur Awaam Bila’ittefaq Un Kitabon Ko Ghalat Qarar Dekar Mustarad kar Chuke Hain Balke Barmala Taqreeron Me Kahte Hain Ke Un Kitaabon Ko Aag Laga Do “

(Majmua rasail 1/22, Tahqeeq Masla Taqleed Page 6)

Is Ibaarat Se Koi Ye Na Samjhe Ke Miyan Nazeer Hussain Wagerah Mere Nazdeek Matrook Hain,

Is Ibaarat Ka Sirf Ye matlab Hai Ke Okarwi Ke Nazdeek Wahiduzzaman Aur Siddeeq Hasan Khan Ke Tamam Hawaale Ahle Hadith Ulema Aur Ahle Hadith Awaam Ke Nazdeek Bila’ittefaq Ghalat Aur Mustarad Hain,

Fir Kya Wajah Hai Ke Okarwi Party Waale In Hawaalon Ko Ahle Hadith Ke Khilaaf Pesh Karte Hain !!!!

Bhaiyyon Aur Baheno ! Maslak Ahle Hadith ; Quran Wa Hadith Par Salaf Wa Saaliheen Ke Ittefaaqi Fahem Ki Roshni Me Amal Karne Ka Naam Hai, Quran wa Hadith Se Ijma e Ummat Ka Hujjat Hona Saabit Hai, Lihaaza Ijma Sharai Hujjat Hai,

Quran Wa Hadith Se Ijtehaad Ka jawaaz Saabit Hai, Lihaaza Ijtehaad Karna Aur Apne Ijtehaad par Amal Karna Jayez Hai,

Ahle Hadith Ke nazdeek Kitab Wa Sunnat Aur Ijma Ke Sareeh Muqaable Me Har Shakhs Ki Baat Mardood Hai,

Ahle Hadith Apne Ulema Kiram Ka Ehteraam Karte Hain Lekin Unhe Masoom Nahin Samjhte,

Ek Mashoor Ahle Hadith Aalim Ali muhammad Saeed Sahab Ne Likha Hai

“Usool Ki Bina Par Ahle Hadith Ke nazdeek Har Zi Shaur Musalman Ko Haq Haasil Hai Ke Wah Jumla Afraad Ummat Ke Fatawa , Unke khyaalaat Ko Kitab Wa Sunnat par Pesh Kare Jo Mawafiq Hon, Sar Aankhon Par Tasleem kare Warna Tark Kare, Ulema E Ahle Hadith Ke Fatawa, Unke Muqaable Jaat Balke Deegar Ulema E Ummat Ke Fatawa Usi Haisiyat Me Hain”

(Fatawa ulema E Hadith 1/6)

Is Sunehre Usool Se Saabit Hua Ke Sayyed Nazeer hussain Muhaddis Dehlawi Rh Wagerah Ke Fatawa Ko Ahle Hadith Ke Khilaaf Pesh KarNa Ghalat Hai,

Ahle hadith Haq Parast Toh Hain Lekin Akaabir Parast, Qabr’parst Aur Khud’parast Nahin,

Ahle Hadith Ke Nazdeek Ulema e kiram Ka Wah maqaam Nahin Jo Okarwi Party Ne Apne Ulema Wa Akaabir Ko De Rakha Hai,

Ab Aal E Deoband Ke Chand Hawale Sun Len

1- Aashiq Ilaahi Deobandi Ne Likha Hai

“Wallahul Aazam Maulana Thanwi Ke Paaon Dhokar Peena Nijaat e Aakharwi Ka Sabab Hai”

(Tazkiratul Rasheed 1/113)

2- Deobandi Tableeghi Jamat Ke Sheikh ul Hadith Zikriya Sahab Ne Apne 2 Buzurgon Raipoori Aur Madani Sahab Ke baare Me Kaha

“Maine Arz Kiya Ke Hazrat Aap Dono Ki Jootion Ki Khaak Apne Sar Me Daalna Ba’as E Nijaat Aur Fakhr Aur Maujab E Izzat Samjhta Hoon”

(Aap Beeti 1/459)

3- Deobandi Tableeghi Jamat Ke Baani Iliyaas Sahab Ki Nani Ke Baare Me Azeezurrahman Deobandi Sahab Likhte Hain

“Jis Waqt Inteqaal Hua Toh un Kapdon Me Ke Jinme Aapka Pakhana Lag Gaya Tha, Ajeeb O Ghareeb Mahek Thi Ke Aajtak Kisi Ne Aisi Khusboo Nahin Soonghi “

(Tazkirah Masaikh Deoband, Haashiya Page 96)

Muhammad Aashiq Ilahi Meerthi Deobandi Likhte Hain

“Potadhe Nikaale Gaye Jo Neeche Rakh Diye Jaate They Toh unme Badboo Ki Jagah Khushboo Aur Aisi niraali Mahak Phoot’ti Ke Ek Dusre Ko Soonghaata Aur Har Mard Wa Aurat Tajjub Karta Tha Chunanche Beghair Dhulwaaye Unko Tabarruk Bana Kar Rakh Liya Gaya”

(Tazkiratul Khaleel Page 96-97)

Musalmano Dekho ! Muqallideen Kitne bade Akaabir’parast Hain Ke Apne Ek Buzurg Ki Naani Ke Pakhaane, Tatti Soonghte Soonghaate Hain, Aur Tabarruk Bana Kar Rakh Dete Hain,

Okarwi Party Waalon Aur Tamam Aam Muqallideen Se Sawaal hai Ke Kya Unhone Bhi Ye Tabarruk Soongha Ya Soonghaaya Hai, Aur Kya Is Tabarruk Me Se Unhe Bhi Kuch Hissa Mila Hai ??

Ahle hadith Ke Nazdeek Sayyed Nazeer Hussain Muhaddis Dehlawi Hon Ya Maulana Sanaullah Amritsari Rh, Sheikh Ul Islam Ibn Taimiyya Hon Ya Hafiz Ibn Qayyim, Imam Bukhari Hon Ya Imam Muslim, Siqa Bala Ittefaq Imam Zuhri Hon Ya Ummat E Muslima Ka Kou Bade Se Bada Aalim Ho,

Ham Unse Muhabbat Karte Hain, Jayez Aqeedat Rakhte hain, Lekin Unki Taqleed nahin Karte ; Andhi Aqeedat Nahin Rakhte, Unke Naam Par Firqa Waraana Mazhab Nahin Banaate Aur Na Shakhsiyat Parasti Karte Hain,

Unke Aqwaal Wa Tahqeeqaat Agar Kitab Wa Sunnat Aur Ijma Ke Mutaabik Hon Toh Sar Aankhon par, Agar Khilaaf Hon Toh Un Aqwaal Wa Tahqeeqaat Ko Radd Karke Deewaar Par De Maarte hain,

Hamara Manhajj, Maslak, Aqeedah Aur Tarz e Amal Intehaayi Aasaan Aur Seedha Saada Hai,

Quran, Hadith Aur Ijma Par Salaf Wa Saaliheen Ke Faham ki Roshni Me Amal Aur Andul Zaroorat Ijtehaad Jayez, Lekin Is Ijtehaad Ko Daimi Aur Qanooni Shakal Nahin Di Jaayegi…

Tatti (Excreta) Aur Pakhaane Ko Tabarruk Bana Kar Rakhne Waale Okarwi Party Wa Muqallideen !! Tum Ahle Hadith Ka Muqaabla Nahin Kar Sakte…