AULAAD KE HUQOOQ–CHHOTON AUR BADON KE HUQOOQ:

Bismillahirrahmanirraheem 




CHHOTON AUR BADON KE HUQOOQ: 



Jis Tarah Waalidain Ke Aulaad Par Huqooq Hain Usi Tarah Aulaad Ke Kuch Huqooq Waalidain Par Bhi Hain, 

Dusre Mazham Me Maa Baap Ke Huqppq Ki Toh Nishaan’dehi Ki Hai Lekin Aulaad Ke Huqooq Ke Maamle me kuch Ni Kaha, 

Islam Ko Chunki Har Tabqe Ke Afraad Ki Kaarkardgi Ki Islaah Karna Aur Mu’aashre Me Aitedaal Qaayem Karna Tha, Lihaaza Isme Aulaad Ke Mutaallil Bhi Waalidain Ko Paaband Kiya Gaya Hai, 

Iski Buniyaad Sayyedena Hz Anas (ra) Se Marwi Wah Hadith Hai 

Jisme Nabi e Akram sallalaho Alaihi wasallam Ne Farmaya “Jo Hamare Chhote Par Shafqat Na Kare Aur Bade Ki Izzat Na Kare Wah Ham Mese Nahin”

 (Tirmizi 1919, Musnad Ahmad 2/207) 

Nabi e Akram sallalaho Alaihi wasallam Ka Yah Irshaad E Mubarak Chhoton Aur Badon Ke Aapas Ke Huqooq Ki Buniyaad hai,

 Is Taaleem Ke Zariye Se Islam Ne Maathat Afsaron, Mulaazimon, Aaqaaon ; Buzurgon, Aur

Azeezon Me Rabt Wa Zabt Ki Shaandar Imaarat Qaayem Ki Hai,

1- ISLAM SE PAHLE WAALIDAIN KI SANG’DILI AUR ISLAM KI TAALEEM:

Islam se Pahle Ahle Arab Apne Ladkiyon Ko Zinda Dafan Kar dete They,

Hindu Bhi Apni Ladkiyon Ko Qatl kar dete they,

Bewaon Ko Khud’kusi Karne par Majboor Kiya Jaata Tha, Usko sati Ki Rasm Kaha Jaata Tha,

Islam Ne Is Tamam rasmon Ko Khatm kar Diya,

Aulaad Ko Maar Daalne Ki Bajaaye Unki Hifaazat Ka Huqm Diya,

Allah Taala Farmata Hai

” Aur Apni Aulaad Ko Tang’dasti” Ki Darr Se Qatal Na Karo, Ham Hi Tumhe Aur Unhe Rizq Dete Hain”

(Surah Anaam 151)

Matlab Yah Hai Ki Waalidain Ka Aulaad Par Pahla Haq Yah Hai Ki Wah Unki Hifaazat karen,

Aur Us Pahle Haq Me Yah Shaamil Hai Ki Maayen Apne Bacche Ko Dhoodh Pilaayen, Kyonki Usi Dhoodh Se Unki Nasho’numa Hogi,

Unke Andar Kuwwat Wa Tawaanaayi Aayegi Aur Yun Unki Hifaazat Hogi,

Maaon Ke Us Haq Ko Allah Taala Ne Yun Bayan Farmaya Hai

” Maayen Apne Aulaad Ko 2 Saal Kaamil Dhoodh Pilaayen Jinka Iraada Dhoodh Pilaane Ki Muddat Poori karne ka Ho Aur Baap Ke Zimme Dastoor Ke Mutabik Un Maaon Ka Roti Kapda Hai “

(Surah Baqarah 266)

Agar Maa Kisi Wajah se Bachhe Ko Dhoodh Nahin Pila Sakti , Toh Islam Ne Yah Ijaazat Di Hai Ki Waalidah Ke Elaawa Dusri Aurat Bacche ko Dhoodh Pila De, Use Razayi Maa Kahte Hain,

Islam Me Razaayi Maa Ka Darja Bhi Kareeban Haqeeqi Maa Ke Baraabar Hai,

Maa Bimari aur Kamzori Ki Soorat Me Apne Bacche Ki Aam Dhoodh Se Bhi Parwarish Kar Sakti Hai, Maqsad Mu’ayyan Muddat Tak Dhoodh Pilaana Hai Taaki Uski Nasho’numa Munaasib taur Par Ho,

Waalid Par Farz Yah Hai Ki Bacche Aur Uski Walidah Ki Kafaalat Kare, Unke Kharch Bardaasht Kare,

Nabi e Akram sallalaho Alaihi wasallam Ne farmaya

“Jo Raham Nahin Karta, Us Par Raham Nahin Kiya Jaayega”

(Sahih BuKhari 5997)

Sayyida Hz Aisha (ra) Bayan Karti Hain Ki
Ek Dehati Nabi e Akram sallalaho Alaihi wasallam Ke Paas Aaya Aur Poocha:-” Kya Aap Bacchon Ko Choomte Hain? Ham Toh Unko Nahin Choomte”

Nabi e Akram sallalaho Alaihi wasallam Ne Farmaya:-” Agar Allah Ne tere Dil Se Rahmat Ko Nikaal Diya Hai Toh Main Tere liye Kya Kar Sakta Hoon”

(Sahin Bukhari- 5998)

Waalidain Par Aulaad Ka Ek Haq Yah Bhi Hai Ki Apni Aulaad Ke Darmiyaan Tafreek Na kare, 

Kyonki Nabi e Akram sallalaho Alaihi wasallam Ne Aulaad Ke Darmiyaan Musaawat Qayem Karne ka Huqm Farmaya Hai ,

Jaisa Ki Ek Sahabi Ne Apne Beton Mese Kisi Ko Ek Ghulam Hiba (gift) Kiya, Chaahte they Ki Us Baat Par Nabi e Akram sallalaho Alaihi wasallam Gawaah Hon,

Aap Nabi e Akram sallalaho Alaihi wasallam Ne Unse Poocha :-” Kya Tumne Apne Har Bete Ko Ek Ghulam Hiba Kiya Hai?”

Unhone Arz Kiya:-” Ji Nahin”

Nabi e Akram sallalaho Alaihi wasallam Ne Farmaya :-” Main Aise Zaalimaana Atiye Par Gawah Nahin Banunga “

(Sahih Bukhari -2604, Sahih Muslim- 1623)

Hamare Yahan Baaz Waalidain Yah Karte Hain Ki Kisi Ek Ladke Ke Zer e Asar Hone Ki Wajah Se Ya Unki Khidmat Se Mutaassir Hokar Apni Jaaydad Apni Zindagi Hi Me Uske Naam Kar Dete Hain, Aisa Karna Mu’allime Insaaniyat Nabi e Akram sallalaho Alaihi wasallam Ki Taalimaat Ke Khilaaf Hai,

Ladka Maa Baap Ki Khidmat Karta Hai Toh apna Farz Ada Karta Hai Us Farz Ki Adaauegi Ke Silsile Me Wah Jannat Ka Haqdaar Banta Hai,

Lekin Waalidain Ke Liye Munaasib nahin Ki Adal Wa Insaaf Ka Pahlu Haath Se Jaane Den Aur Kam Khidmat Karne Waale Nalayak Aulaad Ko Jaaydaad Se Mahroom Kar den,

Unki Yah Mahroomi Kya Kam Hai Ki Waalidain Unko Pasand ni Karte,

Aulaad Ka Ek Haq Yah Hai Ki Waalidain Unki Rizq E Halal Se Parwarish Karen,

Maayen Bhi Yah Khyaal Rakhen Ki Ayyam e Hamal Aur Dhoodh Pilaane Ke Dino Me Bacche Ki Parwarish Haram Maal Se Na Ho, Yaani  Maa Baap Halal Luqma Hi Khaayen,Warna Baccha Bada Hokar Haram Aur Halal Me Tameez Nahin Kar Sakega,

Iski Misaal Mulaaheza Kijiye,

Sayyidena Hz Abu Hurairah (ra) Bayan Karte Hain Ki

” Sayyidena Hz Hasan (ra) Chhote se They, Unhone Sadqe Ki Ek Khajoor Uthaakar Muh Me Daal Li. Nabi e Akram sallalaho Alaihi wasallam Ne Muh Me Ungali Daalkar Fauran Ugalwaayi Aapne Us waqt Farmaya Ki Sadqa Aal E Muhammad Par Haraam Hai”

(Musnad Ahmad 2/279)

Is Misaal Se Waazeh Hota Hai Ki Aulaad Ke Liye Paak Aur Halal Khuraak Ka Muhayya Karna Bhi Waalidain Ke Zimme Hai,

Waalidain Khud Bhi Halaal LUqma Khaayen , Tab Hi Wah Aulaad Ko Halal Khila Sakenge…

To Be Continued…

TAWHEED KI QADR

Bismillahirrahmanirraheem






Tawheed Ki Qadr Poochni hai Hai Toh Unse Poocho ! Jo Shirk ki Bastiyon Se Nikal Kar Tawheed Ki Bulandion Par Aaye,

Kaaba Ke Rabb Ki Qasam ! Tum Zindagi Ke Aakhiri Lamhaat Tak Khuda Ka Shukr Karte Raho, Toh Uske Kiye Hue Inaam Ka Shukr Ada Ni kar Sakte Ke Allah Ne Tumhe Apni Tawheed Ka Aalam bardar banaya hai..

Khata’kaaron ! Ek din Aayega Ke Tauheed Waale Ko Apni Tauheed Ki Ghairat Aayegi.

Kahega Apne farishton Ko Ke Jaao, Mujhse Apne Bandon ka Jahannum Me Jalte Hue Dekhna Gawaara Ni Kiya Jaata, Jinhone Mere saath Kabhi Shirk ni kiya.

Kahenge Allah Ye bade Gunaahgaar they Unhone Bade Jurm Kiye,

Allah Farmaayega Bade Bade Jurm Kiye Magar Mere Saath Shirk toh Ni kiya tha,

Farishtey Kahenge Allah Ye Jal kar Khaak Ho chuke honge Unki Haddiyan Koyla Ho Gayi hain, Unke chamde Jal gaye hain, Unke Chehre Badal Gaye Hain.. Unke Jismon Me toh koi Baal nahin Raha,

Allah Inko Jahannum se Nikaal kar kiya karenge,

Allah paak Farmaayege Mujhe Meri Khuda’wandi Ki Qasam hai, Main inko JaNnat Ki Naharon me Gote De de kar Is Tarah Kar dunga Jis Tarah Maa ke Pet se Aaj Hi Phoolon Ki Tarah Paida Hue Hain.

Inhone Mere Saath Kisi Ko Shareek Ni Kiya, Aur Maine Inko Ruswa Na karne Ka faisla Kar rakha hai,

Aaj Jitni Bimaariyan Hain Hamare Mulk Ki , Hamare Afraad Ki, hamri Qaum Ki, Hamari Millat Ki.

In Saari Bimaarion Ki Asal Jadh Shirk Hai

(Allama Ehsan illahi zaheer, Quran wa Sunnat Conference, Sialkot 29 feb 1987)

EK DIN ME EK QURAN KHATAAM KARNE KA WAKIYA–(FAZAIL E KARAAMAT)

EK DIN ME EK QURAN KHATAAM KARNE KA
WAKIYA




Aur Murde ko Alag Alag tareeka se Dekhna aur bakshis karne ka bayan bina Quran Hadees 



Ek nek aurat ka kissa roz me likha hai jisko bahita kahte the badi kasrat se ebadat karnewali thi
jab iska inteqal hone laga to isne apna sir aasman ki taraf uthaya aur kaha aye wo zaat jo mera tosa aur zakhira hai aur isi par mera zindagi aur maut me bharosa hai mujhe marte waqt ruswa na kijyo aur Qabar me mujhe wahsat me na rakhiyo jab wo inteqal kar gaye to iske ladke ne ye ahtemaam shruu kardia k har jumuah ko wo maa ki Qabar par jaata aur Quran Shareef padkar isko Sawab bakshta aur uske liye aur sabqabrastan walon
k liye dua karta ek din us ladke ne apni maa ko khwab me dekha aur poocha amma tmhara kia
haal hai maa ne jawab dia maut ki sakhti badi sakht chiz hai mai Allah ki rehmat se Qabar me badi
rahat se hu Rehan mere neeche bichi hue hai resham ki takiya lagehue hai qayamat tak yahi
bartao mere sath rahega bete ne poocha ki koi khidmat mere layak ho to kaho isne kaaha tu har
jumuah ko mere pass aakar quran padta hai usko na chorna. Jab tu aata hai sare Qabrastan waley
khush hokar mujhe khus khabree dene aatey hai ki tera beta aagaya mujhe bhi tere aane ki
badi khushi hoti hai aur insab ko bhi bohat khushi hoti hai. wo ladka kahta hai mai isi tarha har
jumuah ko ahtemaam k sath jaata tha. ek din maine khwab me dekha k bohat bada majmua
mardon aur aurton ka mere pass aaya to maine poocha tmkaun log ho wo kahne lagey hum falan Qabrastan k
aadmi hai hum tmhara shukria aada karne aaye hai tm jo har jumua ko mere pass aatey ho aur
humare liye duaein maghfirat karte ho isse humko badi khusi hoti hai isi ko jaari rakhna 

Iske bad se maine aur bhi zyada aitemaam iska shhruu kardia. 

Ek aur aalim farmate hai

 ek shkas ne khwab me dekha k ek Qabrastan ki sab Qabrein ekdum shak hogaye aur murde inme se bahar nikal kar zameen per se koi chiz jaldi jaldi chun rahe hai lkin ek shaks fareekh baitha hai wo kuch nahi chunta
maine iske pass jakar salam kia aur isse poocha kye log kia chun rahe hai is shaks ne kaha jo log kuch
sadqa dua darood waghaira kar k is abrastan walon ko bhejte haiiski barkaat samet rahe hai maine kaha
tm q nahi chunteisne kaha mujhe issey Istaghna hai mera ek ladka hai jo falan bazaar me jalabiya
(halwa ki e kisam hai jo moo ko chipakjaati hai) becha karta hai wo rozana mujhe ek quran shareef
padhkar bakshta hai main subha ko uth kar is bazaar me gaya. maine ek naujawan ko dekha wo jalabiya farokh kar raha hai aur uske honth hil rahe hai. maine poocha tumkiya pad rahe ho usne kaha
mai rozana EK QURAAN PAK KHATAM KAR K APNE
WALID KO HADYA PESH KIYA KARTA HU.

 is kissa k Arsey baad maine phir ek martaba is Qabrastan k admion ko isi tarha chunte dekha aur is martaba is
shaks ko bhi chunte dekha jisse pahli martaba bat hue thi. Phir meri ankh khul gaye mujjhen ispar taajjub tha subha uth kar phir mai isi bazar me gaya tahkeek se maloom hua is ladke ka inteqal hogaya 


Hazrat saleh marii farmate hai k mai ek martaba jumua k shab k aakhir raat me jamah masjid ja
raha tha takey subha ki namaz wahan padhu subha me dere thi rasteme ek Qabrastan tha main
wahan ek qabar k kareeb baith gaya baith te hi meri ankh lag gaye maine khawab me dekha sab
qabrein sakht hogaye aur isme se murde nikal kar hasi khushi batey kar rahe hai unme se ek
naujawan bhi qabar se nikla jiske kapde maile aur wo maghmoom sa ek taraf baith gaya. 

Thodi dadre me aasman se bahut se farishte utre jinke hantho me khwan the jinper noor k rumaal dhake hue
they wo har shaks ko ek pann dete they aur jo khwan leleta unhadya k jo zinda log apne apne
murdon ko bhejte hai mere koi aur tohai nai jo bheje ek walda hai magarwo dunya me phas rahi
hai usne dusri shaadi karlli hai wo apne khwaban me mashgool rahti hai mujhe kabhi bhi yaad
nahi karti maine issey iske ladke ko poocha aur ye khwab ussey suanaya is aurat ne kaha
beshak wo mera ladka tha mere jigar ka tukda tha meri god uski bistar tha iske baadis aurat ne mujhe ek
hazaar dirhaam diye ki mere ladke aur mere ankhon ki thandak k liye isko sadqa kardena aur
mai ainda hamesha usko duaaur sadqa se yaad rakhungi kabhi na bhulungi.




Book FAZAIL AMAAL Jild .no 1.PAGE NO
96-97-98

GHAIR MUSLIM KA , MUSLIM SE KHITAAB:

Bismillahirrahmanirraheem






GHAIR MUSLIM KA , MUSLIM SE KHITAAB:




Ek hi prabhu ki pooja ham agar karte nahin,

ek hi rabb ke Saamne, Sar Aap Bhi Rakhte nahin,

Apna Sajda Devi Ka agar Sathaan hai,

aapKe Sajdon Ka Markaz Bhi Toh Qabristan Hai,

Apne Devtaaon Ki Ginti, Ham Agar Rakhte Nahin,

aap Bhi toh Mushkil Kushaaon Ko Gin Sakte Nahin,

jintne Kankar Utne Shankar Ye agar Mashoor Hai,

Jitne murde Utne Sajde, Aapka Dastoor Hai,

Apne Devi Devtaaon Ko Hain agar Kuch Akhtiyaar,

aapke Walion Ki Taaqat Ka nahin Hai Kuch Shumaar,

Waqt Mushkil Ka hai Naara Apna Toh, Jai Bajrang Bali,

aapko Ko bhi Dekha lagaate naara , Al madad Ya Ali,

leta hai Awtaar Prabhu Apna, Toh Har desh me,

Aapne ne samjha Allah Ko Mustafa Sallalaho alaihi wasallam Ke bhesh Me,

Jis Tarah se ham bajaate , Mandiron Me Ghantiyan,

turbaton Par Aapko , dekha bajaate Taaliyan,

Ham bhajan Karte hain gaakar, Devta ki Khoobiyan,

Aap bhi Qabron par gaate , jhoom Kar qawwaliyan

Ham chadhate hain Buton Par, dhoodh Aur paani Ki dhaar

Aapko dekha Chadhate, Surkh Chaadar Shaandaar,

but Ki Pooja Ham karen , Ham ko Mile Naar E Sakar,

Aap qabron Par Jhuken, kyunkar Mile Jannat Me Ghar,

Aap bhi Mushrik Ham bhi Mushrik, Ye Bhi Koi Insaaf hai,

Ham bhi jannat Me rahenge, Tum Agar Ho jannati,

warna Dozakh me Rahenge, Aap HamAre Saath Hi,

Ham Manaate Budhwa Mangal Toh ” Aakhiri Budh” Aapke Yahan,

Ham Nikaalte chaukiyan, Toh Aap Nikaalte Taajiya,

Pataakhe chhudaate Ham diwaaliyon Me toh Aap bhi Manaate Shab E Baraat,

ham Manaate Janmastmi, toh Aap manaate Barah wafaat,

Gayatri Jaap Ham karaayen, toh aap karaayen Dua khwaani,

Ramayan hote hamare Yahan, toh Aapke yahan Quraan khwaani,

Hamare Yahan hai Khichdi toh, Aapke yahan Hai Khichda,

tab Maamla Hamara Aapka hai Kahan se bigda,

SatyaNarayan Katha Ham Sunte, Toh Aapke Yahan 10 Biwi Ki Kahaniyan,

Hamne “Om” Toh Aapne “786” , banaayi hai apni Nishaaniyan;

Kesariyan Wastra Pahan kar , Ham Lagaate Hain janeu,

Peela Wastra Dhaaradh Kar, Aap pahante Hain Khadau,

Hindu Naari Pahne Saadhi, Maathe Bindiyan Paaon Me bichhiya Aur Bharti Sindoor,

Aapki Aurton Ka bhi Kahiye, Kya Nahin Hai ye sab Dastoor ?,

Ham ghalat toh Tum bhi ghalat, chhod do Ab makkariyan ,

Allah ko Napasand Hai, Tumhari ye Ayyariyan,

ham bhi Chhode tum Bhi chhodo, Hai Ghalt jo raaste,

ek hi mabood ko pooje, aao Allah ke Waaste………..

Daughters are Special

Read this…



 On the first day of their marriage, wife and husband decided and agreed not to open the door for anyone! 


On that day first, husband’s parents came to see them, they were behind the door. Husband and the wife looked at each other, husband wanted to open the door, 

but since they had an agreement he did not open the door, so his parents left. 


After a while the same day , wife’s parents came , wife and the husband looked at each other and even though they had an agreement , 

wife with tears on her eyes whispered , I can’t do this to my parents , and she opened the door. Husband did not say anything, years passed and they had 4 boys and the fifth child was a girl. 


The father, planned a very big party for the new born baby girl, and he invited everyone over. 


Later that night his wife asked him what was the reason for such a big celebration for this baby while we did not do it for the others! 


The Husband simply replied, because she is the one who will open the door for me! Daughters are always so special !!

EK DIN IMAM ABU HANEEFA RAHIMAHULLAH KI MASJID ME:

Bismillahirrahmanirraheem 




EK DIN IMAM ABU HANEEFA RAHIMAHULLAH KI MASJID ME:



 ” Main 2 saal Pahle Ulema ka Ek Wafad Lekar Arab Ke mulkon Ke Daure Par Gaya, Uske Tamam Tabaqaat (Firqe) Ke uleme They, 

Sabse Pahle Hamare Safar Ka Marhala Baghdad Ke Andar Tha, 

Baghdad Me Ham Jumeraat Ko Pahunche, Dusre Din Jumah Tha, Sabne Faisla Kiya Ki Jumah Kahan Padhen ?? 


Kahle Lage-” Ji Imam Abu Haneefa Rahimahullah Ki Masjid Me Namaz padhte Hain “


 Chunanche Ham Wahan Gaye, 9 Ulema Ka Kaafila Tha, Mujhe Uski Qayadat Ka Sharf Haasil Hua, 

Daariya e Dajla Ke Kinaare Imam abu haneefa Rahimahullah Ki Bahut Badi Jama Masjid Hai, Wahan Ham Pahunche, Sarkari Mahman they,

 Arab Ke Andar Ye Riwaaj Hai Ke Jama Masjid Ke Andar Mukbir Ke Liye Ek Oonchi Jagah Banaayi Hui hoti Hai, Jahan Mukbir Aur Chand Log Khade Hote Hain,


 Wah Imam Ko Dekh kar Peeche Takbeer Kahta Hai, Unhone Hukumat Ke Mahman samjhkar Hamko Us

Oonchi Jagah Par Baithaaya, Us Oonchi Jagah Hamen Jagah Di,

Ham 9 Ke 9 Saathi Ikatthe Khade hue,

Tamam Tabaqaat ke Log they, Barelwi dost bhi They, Deobandi Bhai bi, Ek Shia Dost Bhi they, Ahle Hadith Bhi They,

Namaz shuru Hui,

Ab Imam Sahab Ki Masjid Hai Aur Masjid ke ek Ghoshe Me Alag Hisse me Imam Sahab Ki Qabr Bhi Hai,

Imam Ne Wallazzalleen Kaha,

Saari Masjid Aaameen Ki Aawaaz Se Goonj Uthi,

Aur Ye Kamre ke Andar Chhup Ke Baat Nahin Kah Raha, Stage Pe Khade Hoke Zimmedaari Se Baat Kah Raha Hoon,

Duniya Ka Koi Shakhs Is Baat Ki Tardeed Karne Ki Jurrat Nahin Kar sakta,

Koi Us Zamaane Ki Baat Nahin Kar Raha Jis Zamaane me Koi Baghdad Pahunch Hi Nahin Sakta Tha,

Agar Kisi Ko shubah wa Shaq ho Hamare Saath Aaye Ticket Ke Paise Hamko De, Agar wahan Aameen Hoti Ho Ticket Uske Zimme, Agar Aameen Na ho Toh Ham Uska Kiraaya Dene Ke liye Taiyyar Hain,

Buland Aawaaz se Aameen Kahi,

Ab 2,3 Maulwi Sahab Beech Mese Bahut Pareshaan Ho Gaye, Ek toh Hamare Dost They, Unki Hansi Nikal Gayi,

Ab maine Dekha Jo Mere Saath Maulwi Sahab they,

Allah Maaf Kare Aur Maulwi Sahab Ne Namaz Ke Andar Idhar Udhar Dekhna Shuru Kiya Ke Aameen Toh Ho Gayi, Aage Pata Nahin Kya Hone Waala Hai ???

Log Zameen Ki Taraf Dekh Rahe They , Molwi Sahab Aasmaan Ki Taraf Dekh Rahe They, Ab Jo Imam Ne Surah Padhi Woh Bhi Wahabiyon Ki Surah,

Pahle Surah “Sabbihisma Rabbikal aala”, Jumah Ki Namaz Thi.

Ab Molwi Sahab Aur Pareshan Ho Gaye, Ye Kahan Wahabiyon ki Masjid Me Hamko Le Aaye Hain ???

Masjid Imam Sahab Ki Hai, Ab Wah dekh Rahe Hain, Imam Ne Kaha Allahuakbar Dono Haath Uthaaye,

Imam Ne Bhi Aur Saari Masjid Ne Rafulyadain Kiya, Ruku Se Sar Uthaaya Tab Bhi Kiya, Ab Jab Salam Phera, Abhi Ek Taraf Hi Salam Phera Toh Chunke Wah Mere Baayen Taraf They, Salaam Daayen Taraf Phera, Muh Mere Taraf Hua,

Kahne Laga:-” Wahabiyon Khush Na ho Dono Tarah Jayez Hai “

Maine Kaha:-” Mujhe Dusri Taraf Toh Salam Pher Lene De “

Dusra Salaam Phera

Kahne Laga:-” Kyun Hans Rahe ho?”

Maine Kaha:-” Dono Tarah Jayez Hone Par Hans Raha Hoon”

Kahne Laga:-“Isme Hasne Ki Kya Baat Hai?”

Maine Kaha:-” Yahi Aadat Tumhe Dubo Gayi Hai”

Jab Koi Jawab Nahin Aata Toh Kahte Ho Aisa Bhi Ho Sakta Hai

Phir Maine Kaha:-” Kabhi Pakistan Me Apni Masjid Ke Andar Khade Hoke Bhi Kaha Hai Ke Dono Tarah Jayez Hai ??”

Kahne Laga :-” Kahne Ko Toh Taiyyar Hoon Lekin Log Bade Bewaqoof Hote Hain”…

Takreer—-Allama Ehsaan Ilaahi Zaheer Shaheed (rh)